[ذيب الخوالد]

المشاركة الأصلية كتبت بواسطة Nona999

الف الف الف مبرووووك

قلتلك بالصبر والعقاب والتنظيم كل شي بيكون ١٠٠٪

آهلين وسهلين صديقتي نوناآ ^^
عجبتتني النتآيج حيل , ألآول لما تسوي شوي مو زين واحطها بالقفص أزعآججج والحين لما تسوي شي مو زين اوديها للقفص ولما تنبح اطلع لها اقول لاآآ بصوت عصبي وجدي واخزها خزه محترمه وامشي وماعطيها وجه تقريبا عاقبتها ثلاث مرات وصارت تفهم اذا قلت لآ يعني لآ
تدرين والله العظيم لما كنت اكتب الموضوع كانت الدنيا ضايقه فيني غير ازعاجها و ازعاج الاهل
وكنت مضغوط حيل وشوي وانفجر , بديت اكثف اقرا مواضيع و اسمع النصايح منكم ومن الغير ,
والله ماقصرتوآ حبآيبي


والله ماتدري قد ايش ابسطتني يوم قلت انك بديت تقضي ع المشكله الله يسعدك

و قلتلك شوي شوي تبداء تنحل المشاكل وتسيطر عليها واذا سيطرت عليها بترتاح بعدين

بالنسبه لليش والخوف هذي امرها بسيط ان شاءالله

اول شي لا تحاول انك تربط الليش بسرعه عليها او يكون الليش خوف بالنسبه لها

انا ابي اعطيك طرق بحيث تكون بعدين هي تجيبلك الليش تبيك تلبسها اياه

اول شي لازم يكون الليش مناسب لعمرها مايكون نحيف بحيث تكون قادره انها تقطعه ولا يكون ثقيل بحيث يسبب لها عائق بالمشي

اولاً فالبيت

اول ماتجيب الليش ( اجلس وخلها تجي تجلس يسارك " هذي من اساسيات مهمه يفهمها الكلب او الجرو وهي تحدد انك انت القائد وهي التابعه " )

بس انتبه تدلعها وتخرب كل شي بنيناه خلها تجي تجلس وتشم الليش تتعرف عليه مسح عليها وشجعها وبعدين شوي شوي اربط الليش وحركه مع الطوق بحيث تعرف انه انربط فيها بعدين قوم امشي واترك الليش هي تسحبه وتتأقلم عليه شوي

عاد اذا بتروح تنظف صحونها او مكانها او تلعب معها بالكوره والليش عليها مدة نص ساعه او ساعه لحد ماتشوفها انها بدت تتأقلم عليه

بعدها امسك الليش بشويش و لا تشد عليها بحيث انك تمشي وهي تمشي معك واذا وقفت مارضت تمشي لاتعصب ولا تسحبها لان هذا بيكون دافع سلبي لها

الي تسويه بحركه ذكيه اما تجيب افضل لعبه لها او تجيب تريت " مكافأه " وتخليها تشمه بعدين حمسها قولها " كم come او تعالي "

وهي بتجي تمشي معك اذا مشت شجعها وخلها كأنها فايزه فبطوله من التشجيع بتلاحظها تتحمس معك

امش مشي سريع او هروله وخلها تركض جنبك مو تركض عليك لان بعض الجراء اذا شافت صاحبها يركض تجي بسرعه على طريقه او تنط عليه من وناستها يعني وتخرب كل شي


صح هي اذا سوت كذآ آقولها لآ وكم مره عادتها وسويت لها عقاب
اذا شفتها تحاول تجي ع طريقك او تنط عليك شد الليش بشويش وعطها مثل الانذار بصوت يعني مثل " شش او اوبس او اي شي " بحيث تعدل مسارها وتعرف ان هذا الشي غير صحيح

وكرر هذا الشي مدة نص ساعه يومياً فالبيت لحد ماتعتاد ع الليش بعدين تكون مهيئه انك تطلعها برا البيت

لما تطلعها برا البيت حاول يكون المكان مافيه زحمه ولا فيه ناس كثار خصوصاً الاطفال لانهم يوترون الجرو بهذي الحاله وتحصل الجرو مو عارف ايش يسوي واحنا مانبي نوتره ولا نبي نخرب كل شي بنيناه


انا اطلع من البيت الفجريه يعني من 5 الى 7 هالوقت الشوارع فاضيه واخذ راحتي
تعرفين احنا في مجتمع يآكل الناس بقشوره , ومايرحمون ألآنسان عشان يرحمون حيوان
طلعه مدة اسبوع بـمكان مايكون فيه ناس بعدين مدة اسبوع ثاني يكون فيه ناس شوي بعدين مدة اسبوع ثالث يكون ناس بنسبه متوسطه وهكذا بعد ماتتعلم ويروح الخوف منها

ابدأ طلعها بالاسبوع مرتين ثلاث مرات ولا تكثر خروجها لان الاماكن الخارجيه ما نضمن خلوها من الامراض و الفيروسات المعديه للكلاب والجراء

ملاحظه : لما تجي تطلع من الباب و وقفت قدام باب البيت اعطها امر الجلوس اذا جلست كويس واذا ماجلست خذ فيها لفه فالبيت وارجع للباب اعطها امر الجلوس اذا جلست شجعها وافتح الباب " انت اطلع اول بعدين هي تطلع " واذا طلعت حاول تخليها تمشي يسارك ولا تسبقك تكون جنبك

انا سويت هالطريقه بعد اذا حطيت لها الاكل اعطيها امر بالجلوس وتجلس بعدين لما امرها بـ ألآكل تاكل , و نفس الشي خروجها من البيت للحوش اأمرها بالجلوس وافتح الباب دقيقتين بعدين أمرها بالخروج , ونفس الشي لما طلعت اول مره للشارع اليوم اول مره بالنسبه لها امرتها بالجلوس وجلست وطلعنا نزلنا لدرج الشارع بعدين خافت ورجعت البيت جلست جمبها واشجعها واناديها وامرها بالخروج لكن مافي فايده عطيتها مكآفئه يمين يسار مافاد جلست فتره واستسلمت ودخلنا البيت ,

وبعد ماتطبق الامور هذي معها علمنا بمستجداتك

ولا تتردد بأي شي اخر

لك كل الاحترام والتقدير


موفق

والله شكرآ مآقصصـرتي

ربي يحفظك