|
رد: بعض الإستفسارات ( فرش أرضية الحوض + الديكور + توافقية الأسماك )
الإسم مهند عزيزي باسل
الفلتر الموجود 2000 لتر بالساعة يعني نصف القوة المطلوبة
ان شاء الله اليوم بشوف الأسعار وبقرر
بخصوص الخشب وفرتوا عليّ الله يبارك فيكم ... خلص مثل ما قال سالم خشبة أو خشبتين
وان شاء الله راح أفحص بالخل .... في مجال أجيب حجار من السيل ( زلط ) 
بخصوص الكهف، هل تقصد طريقة أنابيب PVC أم هناك طريقة أخرى لصناعته؟
الخلفية سوداء والديكور أسود بشكل عام، ألن يكون الحوض معتم؟
ما رأيك بخصوص الجرش؟
=====
والله طول عمري نفسي أجيب أروانا ... لكن يبدو أن تجربتكم مريرة مع هذه السمكة
بخصوص ذكر الكونفكت، كان منسجم تماماً مع الأوسكار والباروت، فما المانع من وضعه؟
بخصوص الجرين والفلاور سأعدل عن الفكرة بحسب نصيحتكم
السيفروم سأبقي عليهم -ولو مؤقتاً- لصعوبة التخلص منهم أو بيعهم وعلى قولتك " السيفروم يتحمل أخطاء المربين الساذجة " 
البليكو الموجود لدي بليد بطبعه لكن سأحاول التخلص منه ان شاء الله
ولو كان الحوض لديك: ما هي الأسماك التي ستفكر فيها؟
اقتباس:
المشاركة الأصلية كتبت بواسطة basil-ramahi
طيب يا حج فروزن_اسمك مجهول)!!!!
حوضك سعة 472 لتر والمعروف انو الفلاتر يلي بتيجي مع هالاحواض غير مناسبة يعني ما بتكفي لازم يكون 4500-5000 لتر بالساعة شوف شو موجود اوي بتشوف قوة الفلتر الموجود واطرح القوة من 5000 والباقي بتجيب حوض بنفس القوة
طيب 3 خشب متحجر كثير رح يعمل عجقة لانو لا تنسى انك لسى بدك تحط فخار
الحجارة ما بدي اذكرك افحصها بالخل
ويفضل تكون مسطحة واعملك كهف بالزاوية وجيب نبتة صناعية طويلة ادمجها مع الكهف يعني طلع فروعها من شقوق الكهف
التوافق السمكي
الاروانا شيلها من راسك لانها بتنمو بسرعة وحوض متر ونص يا دوب يكفيها لحالها اخي ولا تربى الا لوحدها
الاوسكار لازم يكون ضعف حجم الكونفكيت طبعا الكونفكيت 2 انثى اوعى تجيب ذكر
والريدديفل والفلور يا معلم ما بزبطوا الى اذا حابب الحوض يتفجر (كل سمكة تربى منفردة يعني شيلهم من راسك)
التيكسس 2 حجم مو اقل من 12سم حتى ما ينهضم حقهم بالحوض
البليكو لو تشيلو رح ياخد حيز على الفاضي بعدين بهالحجم بصير يركز على اكل السمك زي الشريمب و الحبوب
حط 4 حجم 13-15سم
السيفريوم ما بعرف بس بنصحك تشيلو لانو ما حيمشي بالحوض
الخلفية اسود زي ما حكالك سالم
او ممكن ازرق لكن الاسود بطلع احلى وفي خلفيات بالوان جاهزة
|
|