[بائع الهامستر]

ماشاءالله تبارك الله

اول شي مبروك عليك الهامسترات والقفص

ومن اسئلتك واضح انك جديد بتربيه الهامسترات

بس شغلك تمام يعني شريت النشاره والخشب وبالقفص متوفر عجله

ولا تنسى يكون فيه مشربه ماء واذا فيه وعاء للاكل يكون افضل

عشان ما يصير الاكل بكل مكان بالقفص

المطلوب منك تحطهم في مكان درجة حراره معتدله

يعني لو غرفه فيه مكيف كويس ، بس لا يكون القفص قدام المكيف بالضبط

وبالنسبه لسؤالك كيف يتعود عليك

احسن طريقه تخليه يتعود عليك ، انك تعطيه الاكل بيدك

وبعد كم يوم تبدا تلمس جسمه على خفيف

وبعدها حاول تمسكه بس لا تمسكه بقوه

يعني الدعوه يبي لها صبر

واذا عضك حاول مره ثانيه ، وان شاءالله مع الوقت بيتعود عليك