[sabemoooooon]

بسم الله الرحمن الرحيم
السلام عليكم
اخواني عندي كم سؤال واتحملوني لانها كتيره

انا نويت اجيب جراء ما يتعدا عمرها الشهرين
حيكونو 2 هاسكي ذكر وانثى
و 1 جيرمن شيربرد انثى
سؤالي
1- هل يتأقلمو ويعيشو سوا ولا حتكون بينهم نزاعات كل شويا مع العلم انو مكانهم واحد والبيت الي يجمعهم واحد بس المربيين مختلفين؟؟؟؟(سمعت انو الهاسكي اناني )

2- عندي بالبيت بغبغاء .. واحتمال اجيب واحد تاني كبير جدا .. هل الكلاب بعد ماتكبر راح تأذيها
ولا اصرف البغبغانات الي عندي وابيعها ؟؟
(احب الحيوانات لو عليا سويت لي حديقة حيوان خاصه فيا )

3- بحكم انها جراء افتح لها المكيف ولا اخليها لين تكبر .. مع العلم ان المدينه الي بخلي الكلاب فيها مدينة الطايف تعتبر معتدله في فصل الصيف وباااااارده بالشتاء(معلومات للي مايعرف مدينه الطايف)؟؟

4- الحوش الي عندي طوله 15 متر وعرضه 6 متر .. هل يكفيهم للعب ولا لازم مساحه اكبر؟؟

5- الجراء بعمر من 3 شهور الى 6 شهور اخليهم ينامو فمكانهم الخاص الي سويته لهم ولا بالبيت لان سمعت الاغلبيه بيقولو الجراء في اول العمر تنام معاك بالبيت

6- في مضره عليهم لو نقلتهم من مدينه لمدينه معيا بالسياره مدينه بارده والتانيه حاره ورطبه ؟؟

ادري اني طولت علييييكم وكنت حزيد اسأله بس خفت اطفشكم هههه
بس لان قبل اجيب 3 كلاب ابغا اعرف العمل مع مجموعه من 3

والي حيسأل و حيستغرب ليش بجيب 3 انو كتير كبدايه . . عشان اخواني شافوني ادور هاسكي للبيع فنشبولي وإلا يبغو يجيبو هما كمان وما اقدر امنعهم..

والف شكر لكم

تحياتي
اختكم
سابي