[bab-32]

اهلين شباب من بعد ان قررت ان ابيع عبود اللي عندي و اشتري واحد اخر .. اولا عبود الكاسيكو الافريقي اللي عندي عمره ستة شهور تقريبا و يجعر لما اقرب منه و ما يركب عاليد فالنبدا بالاسئلة .. :-

- لو ابيعه كم يجيب سعر ؟؟

- لو اشتري كاسيكو افريقي اليف من سوق الخميس "طبعا كل الشراء من سوق الخميس" من ستة شهور الى ثمانية كم يطلع سعره ؟؟

- شفت كاسيكو عمره سنة و نص يتكلم و ساموه على 2200 اشتريه ؟؟ يركب عاليد بعد و ردوا على الاسئلة الباقية بعد هع ..

- لو اشتريت واحد عمره اربعة شهور او ثلاثة شهور كم يطلع سعره ؟؟

- و بالنسبة للبلوفرنتد لو اخذت واحد عمره ستة شهور لازم اخذ اليف ؟؟ او يولف اسرع من الكاسيكو و افضل ؟؟ علما بانني كان عندي واحد امازوني عمره سنتين كان عندي امانة و ولف عندي خلال ثلاث شهور بدون عناء .

- لو اخذت فرنتد اليف كم يطلع سعره ؟؟ و طبعا بين ستة الى ثمانية اشهر

- لو اخذت فرنتد عمره بين ثلاثة الى اربعة شهور كم يطلع سعره ؟؟

و شكرا لكم يا شباب ..