[BOSALEH]

السلام عليكم ورحمه الله وبركاته

شباب باذن الله بتوصل كلبتي ( جيرمن شيبرد ) يوم الخميس الجاي بالسلامه يالرب .. وانولدت يوم February 6, 2012 .. تقريبآ عمرها شهرين ونص black and tan اما بالنسبه لصور موجوده عندي لكن فضلت ان لما توصل اصورها لايف من كل جهه لتسهل عليكم عميله التقيم لاني محتاج تقيمك وبقوه طيب اتركم الان مع اسألتي الي محيرتني ..

حبيت اطرح كم سؤال لاني والله فديتكم محتار من كذا نقطه :

1- ايش الاشياء الي محتاج اجهز لها اياه قبل وصولها ؟؟

2- كيف اعرف نوع الاكل المناسب لها ؟؟ مع العلم الكلبه معاها اوراق كثيره من ضمنها ورقه او جدول لنظام غذائها طبعآ بيوصلني لما هي توصلني !!

3- بالنسبه للبيت والقفص مهب عارف كيف اسوي لها قفص ؟؟ وكيف لو حبيت اسوي قفص كيف احط فيه التكيف والاضاءه ؟؟

4- هل لها تاثير سلبي لو حطيت الكلب مؤقتآ بغرفتي بالبدايه مع بيت صغير او بالاحرى فرشه مناسبه لنوم ؟؟

5- طيب مكان التوسيخ اذا حطيت الكلبه بغرفتي وين اجعل مكان التوسيخ هل بالحمام او بالخارج اايش الافضل ؟؟

6- القفص ايش الافضل يكون خشب او المانيوم ؟؟ لاني مفكر لو بسوي قفص بسوي نصه خشب والباقي مثل شبك الحديد من ناحيه الخشب كنت مفكر اني احط لها داخله تكيف واضاءه ومروحه لتبديل الهواء ونافذه للاضاءه وتكون مثل الغرفه لها مخرج يخرجها لناحيه الي فيها الحديد فكرت افرش فيه الارض بسجاده تكون مثل نبات الحشيش الصناعي !! هل فكرتي تمام او غلط ؟؟

7- بالنسبه للاكل الي بيكون من طباخ البيت ايش اطبخ لها ؟؟

8- وايش الالعاب الي اخذها لها ؟؟ وايش الالعاب الي اخبيها عنها لتحفيز بالتدريب على مااظن او لجعل قيمتها اكبر صح كلامي ولا خطأ ههههه !!

9- عمرها الان شهرين ونص تقريبآ اظن انه وقت التسنين يعني محتاجه عضاضات ؟؟

10- الليش او القلاده <--- ماعرف اسمها هل صحيح الليش او خطأ .. المهم فهمتوا قصدي بالليش هل اخذ نوعين نوع لتدريب ونوع لنزهه ؟؟

11- بالنسبه لموضوع ايش الي ابغاه من الكلبه انا ابي اخلي كلبتي بالمقام الاول للحراسه وبالمقام الثاني جتماعيه شوي مع اهل البيت فقط هل اقدر اجمع بين هالاثنين ؟؟

12- انا احترت قريت اكثرمن موضوع بن الجرو لابد يكون اجتماعي لجل الثقه او شي من هالقبيل وبنفس الوقت لو كان اجتماعي يعني ماتنفع للحراسه <--- احترت بهالنقطه ؟؟

13- هل يفضل اول ماتجيني الكلبه اني لا اريها اهل البيت بسبب بتكون خايفه او اني اعرضها عليهم ؟؟ وهل اسمح لهم بلمسها ومداعبتها ؟؟ مع العلم المقصد الاول من تربيتي لها الحراسه !! وهل اخرج معاها بنزهه ولو كان معاي واحد من ربعي هل لها تاثير ؟؟

14- وااظن 90 بالميه هي مش ورك لاين مجرد ظن واحس اني متأكد لكني مب خبير توني مبتدىء واترك هالنقطه في تحديد انها ورك لاين او لا لما اجيبها واعرض صؤرها على استاذتي الكرام .. هل لو كانت مش ورك لاين ماراح تكون مناسبه للحراسه ؟؟

15- طبعآ الكلبه لما توصلني بااذن بيخلتف عليها الاكل بوقتها بتعاني من الاسهال وانتم بكرامه كيف طريقه علاجه ؟؟

16 - ايش اول شي ابداه مع الكلبه من تدريب انا مبتدىء ونويت تربيتها لاني شفت خبراتكم وطبعآ اتمنى تقبلوني طالب عندكم يااساتذتي .. وكيف اصحح سلوكها الخاطىء بحكم انها جرو
وكيف ادربها على مكان التوسيخ ؟؟ وكيف ادربها على عدم العض ؟؟ بحكم ان عمرها شهرين اكيد بتكون وقت التسنين طبيعي بحصل لي كم عضه منها هههههه


17- هل تفضلون بالبدايه وانا مبتدىء اني اقوم بترويشها وتسبيحها ولا اخذها للبيطري لانه اكيد بيكون مختص اكثر بهالموضوع ؟؟ لان خوفي اروشها وانظف اذانها بطريقه خطأ او اسوي شي خطأ ؟؟

18- وكيف اقسم وقت التدريب كم حصه للتدريب باليوم ؟؟ واتمنى تنصحوني بجدول معين ؟؟

-------------------------------------------------------------------------

ملاحظه : احس اسألتي مب بوقتها لكن احب اكون مسوي كل شي ومجهز كل شي ومسوي احطتياطتي قبل لاتوصل قدامي اسبوع واحد وانا ماسويت شي للحين

همسه : ادري طولت عليكم بسألتي اعذروني فديتكم حاب يكون عندي الالمام بالموضوع من كل جوانبه

وانتظروني بصورها لما توصل بعد اسبوع يارب .. وهناك اسأله اكثر <---- اقول استريح بس