بيت لكلبك حبيبك
انا حبيت انقلكم تجربتى فى عمل بيت لكلبى تومى بأقل التكاليف انل جبت الرسم التوضيحى من احدى المواقع الخاصة بتصميم بيوت للكلاب وقمت بتنفيذها
ودى صورة للرسم التوضيحى
وعلى فكرة الصورة بدرجة نقاء عالية عشان لما تنزلها على جهازك تبقى المقاسات واضحة والمقاسات دى تكفى لكلب كبير.
اول حاجة حنشترى لوحين خشب (mdf) واللوح بيكون مقاسة 120cm*240cm
اللوح الاول حنرسم علية الاجزاء الموضحة فى الرسم التوضيحى بقلم رصاص ومسطرة طويلة
اللوح الثانى حنعمل منة القاعدة ومقاسها 120cm*80cm
وجزئين السقف ومقاس القطعة الواحدة 130cm*45cm
على فكرة الجزء دة انا معملتوش واكتفيت بتثبيت الاجزاء فى القاعدة بدون الشاسية الموضح فى الرسمة التالية
بعد كدة بنقطع جميع الاجزاء الى رسمناها بالمنشار
وطبعا مننساش نفتح فتحة الدخول
بعد كدة بنلون جميع الاجزاء بالالوان المناسبة لكل واحد على ذوقة الخاص
على مالبوية تنشف حنركب اربع قواعد لقاعدة البيت علشان يكون مرتفع عن الارض لسهولة التنظيف وتقليل الرطوبة بس للاسف نسيت اصور القواعد وانا بركبها
بعد كدة حنركب جميع الاجزاء على القاعدة
فى النهاية حيكون الشكل النهائى كدة
مــنـــقـــول !!
التعديل الأخير تم بواسطة : Abo_fahed بتاريخ 17-02-2012 الساعة 06:52 AM.
السبب: اضافة كلمة منقول !!
|