منتديات تو زوو - عرض مشاركة واحدة

الدلع · 12-02-2012, 02:21 PM

وعليكم السلام ورحمة الله وبركاته
حياك الله
أغلبنا يشتكي من ذا الشي وما نوصل للبيطري إلا وروسنا مشلوخة من المياااو مياااو

وبالطقاق الين يقدر يطلعها من الصندوق مثل أفلام كرتون

وبمجرد ما يخلص من الكشف تروح للصندوق مثل البرق وتدخله ولسان حالها يقول ( نار القفص ولا جنة البيطري )

هذا شي طبيعي لأن البسس ما تحب تنحبس خصوصا إذا كانت تسرح وتمرح وبعدين دخلناها للصندوق .. في غرفة وش كبرها ما يحبون ينحبسون فما بالك بصندوق نص × ربع متر والبعض يستخدم أكبر شوي أو شنطة خاصة وكلها في النهاية حبس .
جتني قبل فترة هفة اروّش قطوتي في محل حيوانات لكن بعد الي شفته عندهم من قل النظافة والتعامل بقسوة

حرمت وقلت أروشها في البيت أحسن وبمساعدة أحد من الأهل لأن الغالب الأعم فيهم ما يحبون الماء والي نشوفه على اليوتوب من وناسة البسس جوا الماء فهذا من النوادر

أما إذا كنتِ مضطرة فاحرصي يكون تنظيفها عند عيادة متخصصة تقدم ذا الخدمة وليس عند محل حيوانات لأنها تحت اشراف طبي

بالنسبة لي ما أأيد فكرة ترك البسس برا الصندوق في السيارة .. ودي أسمع استغاثتهم شوي ويوجعني راسي وأجلس ألاعبهم لحد ما أوصل ولا اني أجي أحط إعلان في قسم المفقودات عن فقدي لبستي وأذكر انه مرت علي قصة بنفس ذا الشكل و ممكن تتعرض البسة للأخطار ( الدعس ـ الأذى من البسس المتوحشة ـ الأذى من البزارين المتخصصين في ملاحق البسس ورجمهم بالحصىى ـ السرقة ويمكن ربي يطيحك في أحد يخاف الله ويحط إعلان في قسم المفقودات وممكن يمل منها ويعرضها تبني

للأعضاء أو لجمعية القطط وما أصعبها من لحظات لما تتأكدين ان بستك عند أحد ويجحد وجودها ويقعد يراوغ

)
وبصراحة ما ربينا بسس إلا لأننا نحبهم ولو فقدناهم كأننا نفقد جزء من حياتنا

أنا حالياً في طور التجربة ومن فترة كمحاولة مني في حل سالفة الميااو وسط الصندوق ولسا ما انتهيت منه لأته يبي له صبر حتى يروح من بال البسة ان هذا الصندوق للحبس فقط وهو إني فرشت أرضية الصندوق بقطعة مربعة ماصّة تستخدم تحت المرضى وتباع في الصيدلية وسويت فتحة في الأعلى وعلقت لعبة تحبها البسة بخيط مطاط وتركت الصندوق مفتوح ودايم في وجهها في الروحة والجيّة ( ومو في المخزن بحيث ما أطلعه إلا إذا بغيت أوديها أي مكان ) يعني تقدر تدخل الصندوق وتطلع على راحتها وأحيانا يعجبها الوضع وتنام فيه أو تتخبى فيه وقت اللعب والتفحيط وخليته جزء من فترة اللعب بيني وبينها بحيث أجلس جنب الصندوق وأناديها فتجي وتدخل من نفسها لأنها تعودت عليه وإذا دخلت تلعب أقفل الباب نص قفله شوي وبعدين أفتحه طبعا طول ذا الفترة وأنا ألاعبها من خلال الشبك والفتحات الجانبية كم يوم على ذا الحال وبعدين أسكره بشكل كامل وأسوي نفس الشي وكل مرة أزيد في مدة تواجدها فيه مع التأكيد على عدم مغادرة المكان حتى تحس البسة بالراحة

واذا ضبطت الطريقة معك أو مع أحد من الأعضاء قبلي عطوني خبر

بالتوفيق اختي

12-02-2012, 02:21 PM	#7
الدلع هاوي	رد: قطتي و البوكس وعليكم السلام ورحمة الله وبركاته حياك الله أغلبنا يشتكي من ذا الشي وما نوصل للبيطري إلا وروسنا مشلوخة من المياااو مياااو وبالطقاق الين يقدر يطلعها من الصندوق مثل أفلام كرتون وبمجرد ما يخلص من الكشف تروح للصندوق مثل البرق وتدخله ولسان حالها يقول ( نار القفص ولا جنة البيطري ) هذا شي طبيعي لأن البسس ما تحب تنحبس خصوصا إذا كانت تسرح وتمرح وبعدين دخلناها للصندوق .. في غرفة وش كبرها ما يحبون ينحبسون فما بالك بصندوق نص × ربع متر والبعض يستخدم أكبر شوي أو شنطة خاصة وكلها في النهاية حبس . جتني قبل فترة هفة اروّش قطوتي في محل حيوانات لكن بعد الي شفته عندهم من قل النظافة والتعامل بقسوة حرمت وقلت أروشها في البيت أحسن وبمساعدة أحد من الأهل لأن الغالب الأعم فيهم ما يحبون الماء والي نشوفه على اليوتوب من وناسة البسس جوا الماء فهذا من النوادر أما إذا كنتِ مضطرة فاحرصي يكون تنظيفها عند عيادة متخصصة تقدم ذا الخدمة وليس عند محل حيوانات لأنها تحت اشراف طبي بالنسبة لي ما أأيد فكرة ترك البسس برا الصندوق في السيارة .. ودي أسمع استغاثتهم شوي ويوجعني راسي وأجلس ألاعبهم لحد ما أوصل ولا اني أجي أحط إعلان في قسم المفقودات عن فقدي لبستي وأذكر انه مرت علي قصة بنفس ذا الشكل و ممكن تتعرض البسة للأخطار ( الدعس ـ الأذى من البسس المتوحشة ـ الأذى من البزارين المتخصصين في ملاحق البسس ورجمهم بالحصىى ـ السرقة ويمكن ربي يطيحك في أحد يخاف الله ويحط إعلان في قسم المفقودات وممكن يمل منها ويعرضها تبني للأعضاء أو لجمعية القطط وما أصعبها من لحظات لما تتأكدين ان بستك عند أحد ويجحد وجودها ويقعد يراوغ ) وبصراحة ما ربينا بسس إلا لأننا نحبهم ولو فقدناهم كأننا نفقد جزء من حياتنا أنا حالياً في طور التجربة ومن فترة كمحاولة مني في حل سالفة الميااو وسط الصندوق ولسا ما انتهيت منه لأته يبي له صبر حتى يروح من بال البسة ان هذا الصندوق للحبس فقط وهو إني فرشت أرضية الصندوق بقطعة مربعة ماصّة تستخدم تحت المرضى وتباع في الصيدلية وسويت فتحة في الأعلى وعلقت لعبة تحبها البسة بخيط مطاط وتركت الصندوق مفتوح ودايم في وجهها في الروحة والجيّة ( ومو في المخزن بحيث ما أطلعه إلا إذا بغيت أوديها أي مكان ) يعني تقدر تدخل الصندوق وتطلع على راحتها وأحيانا يعجبها الوضع وتنام فيه أو تتخبى فيه وقت اللعب والتفحيط وخليته جزء من فترة اللعب بيني وبينها بحيث أجلس جنب الصندوق وأناديها فتجي وتدخل من نفسها لأنها تعودت عليه وإذا دخلت تلعب أقفل الباب نص قفله شوي وبعدين أفتحه طبعا طول ذا الفترة وأنا ألاعبها من خلال الشبك والفتحات الجانبية كم يوم على ذا الحال وبعدين أسكره بشكل كامل وأسوي نفس الشي وكل مرة أزيد في مدة تواجدها فيه مع التأكيد على عدم مغادرة المكان حتى تحس البسة بالراحة واذا ضبطت الطريقة معك أو مع أحد من الأعضاء قبلي عطوني خبر بالتوفيق اختي __________________ الرجاء عدم الرد بأسلوبٍ قاسٍ فيه سخرية أو تحقير لأي عضو . قال صلى الله عليه وسلم " ما كان الرفق في شيء إلا زانه وما نزع من شيء إلا شانه "