|
رد: ارجو المساعدة من الاخوان المحترفين
ما شاء الله .. خبيرنا الكلاسيكي ما قصر معك ابدا .
ودي اوضح لك طريقة فهم الكلب لموضوع الاوامر الاساسيه اللي انت دربته .
كلبك الان بدأ يميز بين وقت التدريب و وقت اللعب .. وهذي حاجه ممتازه ... ولكن
يجب ان تسيطر عليها و تستغلها الاستغلال الصحيح .
انت لما دربت الكلب على سيت ،، داون ،، كوم ،، ستي او غيرها لا يعني انك تستغل
يوم الكلب و انت تعطيه الاوامر .. كذا بيزهق طبيعي جدا ... والاهم هل تعطيه مكافئه عالية المستوى ؟
لما يشعر الكلب انه دخل وقت التدريب .. اما من طريقة معاملتك او من لبس التدريب الخاص بك
او من طوق التدريب اللي تحطه عليه ... يبدا يستقبل الاوامر .. و ينفذها بالشكل المطلوب .
لانه يعرف انه يتلقى الامر .. اما ان ينفذه او يتجاهل و ينتج عن ذلك اما مكافئه او كوريكشن .
اما الاوقات اللي يخرج فيها الكلب عن فورمة التدريب فأنه ينشغل باشياء ثانيه و فقط يتجاهل .
واجبك انك تدخله درايف التدريب على طول .. ونصيحتي لك جرب طريقتي .
وقت التدريب اقول لكلبي جاااهز ؟ R U READY ؟
لما ينضر لي الكلب نضره حاده و يغير جلسته و ممكن ينبح علي نبحه هذا يعني انه مستعد جدا .
على طوووول اطلع من جيبي كره او عضاضه و اخليه يشتغل عليها عض . وهذي قمة النشوه عنده .
هنا انا سمحت لكلبي انه يبدأ حصة التدريب بكل نشاط و حماس .. وهو يبي يتدرب .
بعد ما نخلص من التدريب دااائما اقوله ... خلصنا We r Done ..
و هذا معناه ان كل المكافئات راح اخذها الحين و مافيه اي اوامر تبي تروح وين ما تبي رووح انت فريي .
و ممكن انا اشغل نفسي في تنضيف حضيرة الكلب .. او احط له اكل .
او ممكن اجلس واخليه يجي يتمحلس عندي وامسح عليه  وقت الحب
لكن بالنهايه الكلب استوعب ان حصة التدريب انتهت .. والاوامر العسكري انتهت .. انت الحين كلبي المدلل .
وخلك مثل شعرة معاويه على ما يقولون .. حازم اذا احتاج الوضع .. و حليم في الاوقات الاخرى .
وبكذا تكون انت القائد القوي المحبوب بالنسبه للكلب .
|