[Mad Mood]

هامسترتي ولدت قبل أربع أيام.. أول إنتاج لها

في اليوم الثاني بعد الولادة أخطأت خطأ شنيع ودخلت الذكر عليها ولقحها تلقيح صحيح على ما أظن

ومن أمس بديت ألاحظ عليها تصرفات غريبة بعد ما كانت هادية و24 ساعة محضنة عيالها صارت تترك العش كثير وهي متوترة وحركاتها سريعة على غير العادة وتعض في الحديد وفي البلاستيك بشكل مجنون

جربت أحطها في قفص ثاني فيه ثنتين إناث غيرها عشان أشوف هل بتكون عدائية ولا عادي.. وصار مثل ما توقعت كانت جداً عدائية بشكل مخيف ومقلق على غير عادتها

جربت أحطها مع الذكر وبرضه مثل ما توقعت رفضت انه يقرب منها نهائياً وصارت تضربه وتعضه في بطنه مع إنها والفة عليه كثير وتوه ملقحها قبل يومين

وعلى فكرة هي أكثر هامستر أليف عندي لدرجة انها تسمح لي أشيل عيالها من اليوم الأول ولا تاكل ولا تشرب إلا من يدي رغم وجود المشربية وصحن الأكل قريب منها

توقعي من هالأعراض انها حامل

طيب وش العمل إذا ولدت بعد أسبوعين وعيالها الأولين توهم عمرهم اسبوعين وما انفصلوا عنها

أرجو من المختصين يساعدوني بحل عشان أحافظ على حياتها وسلامتها حتى لو ماتوا عيالها الله يعوض بس هي مابي يصير لها شي