[بكاتشو]

اخوي العامودي
تكرم ويسلم راسك
طبعا لا كلام بحضرة بلاك بيري اخبر مني كثير
وانت شف تابع مواضيع الاعضاء من ناحية النظافة والفيتامينات ودرجة الحراره المناسبه للغرفه طبعا أنصحك تاخذ مقياس حراره وتحطه جنب القفص وهذا اهم شي شوي برد وتلبك معوي يروح الطير وانت تشوف وتاخذ غطاء للقفص لازم ما يتعرض لأي تيار هوائي سواء حار او بارد اما الجو العام انت تضبطه
الايام هذي برد لا تروش الطير الا كل اسبوع
وارجع واكرر نظافة أرضية القفص مهم جداً جداً جداً وتحط ورق او نشارة خشب لسحب الرطوبه من فضلات الطير وتغير الماء يوميا طبعا ماء صحي مع غسل أطباق الاكل والشرب وتتنشف وتحط الماء والاكل الجديد ولا تخلط الأطباق اللي للماء يستمر للماء وتحط كالسيوم واذا ما أخذه او لحسها ممكن تطحن منه شوي قليل جداً وتحطه مع الاكل
وفيه قطره اسمها فيتا هذي ملتي فيتامين كل ثالث يوم اربع نقط في مشرب الطير
طبعا خلطة الثوم والليمون مهمه في الاسبوع مرره وحده فقط وتترك ست ساعات وتغير الماء لانها اكثر من كذا تكون مضرره
الله يوفقك ولا تنسى انك صرت مسوؤل عن روح اولا فاكسب فيه الأجر ولا تنسى انك دفعت مبلغ من تعبك وعرق جبينك وانا أخوك
واذا خايف من التجربه او حاس انك ما تملك الخبره او طولة البال اشتري طير عدا مرحلة الخطر زي ما قلت لك اول وانت بالخيار
اتمنى لك امتع الأوقات