[Abo_fahed]

المشاركة الأصلية كتبت بواسطة tute217

شباااااب انا كلبتي روز > جيرمن 4 شهور كنت افتح لها باب السياره وتركب >> سيارتي جيب بليزر
الحين الكلبه لما تشوف السياره احاول اناديها ققبل ما افتح الباب ترفض وتجلس مكانها واذا شديتها بالليش تقاوم ماتبي وتحاول تفك الطوق

هذي يالغالي تصرفات وارده وطبيعيه جداً

كل تدريب يحتاج >> تشجيع + مكافئة

فالكلب لم يولد مع الطوق و لم يولد لركوب السيارة

فكل هذا يحتاج الى تدريب بسيطة منك

ولكن كبداية حاول انك تختار الباب الخلفي

بحد علمي بالبليزر فيه دواسات عند الباب تساعد الركاب للدخول

فالتدريب يكون بهذه الطريقة :-

1 -

اخذ لك مكافئة تحبها كلبتك وحطها في يدك

واجعل الكلبة تشمها و ارمها داخل السياره

وأول ماتصعد الكلبة داخل السيارة لااازم تعطيها صوت تشجيعي

ثق تماماً ان الصوت التشجيعي يلعب دور كبير في حماس الكلب

مثل >> قوود قيررررل + براافووو + شطووره .. الخ

الي تحب بس يكون بصوت موسيقي

2 -

بعد ماتصعد الكلبة نادها وانت برا واول ماتجيك عطها مكافئة

وكرر التدريب >> خمس مرات ووقفه

وعيد التدريب ثلاث مرات في اليوم

3 -

بعد يومين تستخدم كلمة قبل حذف المكافئة

مثل >> كاار + داخل + السيارة + العربية

هم الي تحب بس لازم تكون بصوت حاد هذي المرة

وتختار كلمة وحدة منهم فقط وتستمر عليها

ومع التكرار صدقني بمجرد انها تسمع الكلمة

راح تسبقك لي داخل

>> اللعبة هنا اننا نريد ان نجعل دخول السيارة

شي وراه فايدة ومع الوقت ستتعلم دون المكافئة <<

قد تكون حالات عصيان منها وهذا شي طبيعي

وفي هذه الحالة تسحبها بالليش لي فوق من غير مكافئة

الشي الثاني اذا وديتها للبيطري ماتبي تدخل غرفه الدكتور بس تحب تتمشى فالمحل او العياده

واحس انو باديه تكون خوافه بعض الشي

هذا مو خوف يالغالي

مكان البيطري يعتبر مكان جديد عليها

وخصوصاً انه مكان قد زاره الكثير من الكلاب

فرائحة الكلاب + وجود الكلاب >> يجعل الكلب في حالة استكشاف وقلق بعض الأحيان

وكل ماكبرت الكلبة راح تكون أهدى و أعقل

الشي اللي قاهرني ومضيق صدري بعض الشباب لما تروح تشمهم يصرخو فيها ويهوشو عليها وكم مره كلمتهم لا تسوو كذا وهم رافضين ويعاندون يسوون بزياده ويقولون امسك كلبتك عننا

طالما الشباب لا يتقبلونها لاتروح فيها عندهم

ويستحسن انها ماتشوفهم الا من بعيد

ووقت مايزورونك دخلها محلها >> ابعد عن الشر وغنيلو

الشي الاخير لما انادي كلبتي وواحد من اصحابي موجود وتكون واقفه معاه يعطيها امر الست عشان ماتجي عندي غير كذا يجلس يلمسها ويقول لها قود قيرل انا ابي كلبتي ماتعرف غيري لما احضر تنسى الكل

كلبتك ممنوع أحد يلمس عليها بهذه الطريقة

الحنان + المكافئات + تطبيقات التدريبات في الوقت الحالي

يجب ان تكون من قبلك انت دون أحد غيرك

عند بلوغها لا بأس من تطبيق التدريبات من أخوانك / أصدقائك

هذا شي ينصح فيه الكثير من المربين >> وهو أمر اختيار وليس اجباري

سوال ثاني كلبتي ماتحب تجلس بحضني مع اني انادي عليها ولمسها تجي تجلس شوي وتقوم عني تجلس جنبي تنزل عن الكنب اللي انا عليه لييييش ...؟؟؟

انا ابيها تجلس بحضني مع العلم اني احضنها كثير وابوسها كثير والعبها كثير مرره

لما تقعد في حضنك حاول تلمس على بطنها وتفركه

وامسح على رأسها وعلى اصابع يدها

وكافئها بمجرد انها تكون معاك

بس التلميس الكثير مضر وغير مفيد

لان التلميس بحد ذاته يعتبر >> مكافئة للكلب

لاتجعل الكلبه دائما في هذا الوضع من الدلع

والجيرمن المتعارف عليه دائماً

يجب ان يكون جالس على جانبك اليسار خلف رجلك

فهذا الأمر يعكس طابع القائد والتابع عنده

حيث انك تكون أنت القائد


سوال ثالث هل عادي اترك كلبتي مفلوته طوال اليوم ولالا ..؟؟ << يعني ادخلها بيتها واربطها

لانو هي طول اليوم برا بيتها ووقت تبي تنام تروح لبيتها

لاتربط الكلبة اذا كانت داخل البيت

والكلبة صغيره على الربط أصلا

الربط يكون بعد عمر الـ 6 شهور

حتى يتم تعويد الكلب على الانضباط والصبر

بليييز فيدوني هذي اول كلبه لي مابي افشل معها في شي لاني والله احبـــــــــــهـــــــا موت
واذا حد هوش عليها يضيق صدري

بس ابيها تكبر وادربها حراسه وابي تدافع عن نفسها بحيث انو اصحابي يخافون منها مايقدرو يهوشو عليها

لاتستعجل على هذه الأمور

فكل شي ستحصل عليه طالما ابتديت بطريقة صحيحة

اقرا هذا الرابط سيفيدك

http://www.2zoo.com/vb/showthread.php?t=233908



وابي ادربها على كاتش (اكتشها) على اللي الحين يهوشها ويخوفها لانهم فاقعين قلبي بالقهر

لاتستغل كلبك في ضرر الغير

فعضة الكلب مو هينة

مثل ماذكرت لك فوق بخصوص الشباب

يارب تكبر وتادبهم قليلين الادب

هل من الممكن انو تقوى شخصيتها ويروح خوفها ..؟؟؟

اهي مافيها خوف اهي بس للحين صغيره

والتأسيس لازم يكون من غير >> ضرب

لاتقدمها لكلاب أخرى + للشارع >> في الوقت الحالي

وفترة الـ Fear period (( الخوف الطبيعي )) تزول بعد عمر الـ 7 شهور تقريباً


كذا واحد من مربين الكلاب اروح لهم بكلبتي ويذكرون الله يقولون لعوبه ومو خوافه < بس تخاف من اللي يهوشها

شي طبيعي انها تخاف من هذا الشيء

مثل ماذكرت لك سابقاً بهذا الخصوص


طوولت عليكم مررره بس بليييز فيدوووني

لا ماطولت علينا يالغالي

والإجابة موجودة فوق

بالعكس احنا نفرح لما نشوف الواحد مهتم بهذا الشكل الدقيق

واي استفسار لاتتردد فنحن جميعنا نحب تقديم المساعدة

تحياتي لك يابطل