[ابو ريمان]

المشاركة الأصلية كتبت بواسطة بشورة

شكرا جدا اخي ابو ريمان
وشكرا عالمرور اخي عاشق الكوكتيل

اخي ابو ريمان
بالنسبة لـــ :



انا مو معتبرة الموضوع مشكلة .. بس بخاف اعمل غلطة وأروح الفرخ فيها .. والله ما بسلم طول حياتي من عذاب الضمير .. بتزكر مرة لما كان عمري 7 سنوات كنت بلعب برا الدار .. وبالخطأ دعست على حلزون .. ضليت طول اليوم ببكي عليها وعاللي عملتو .. مع العلم اني ضليت ادور على صدفة فاضية وحطيتها فيها "كنت صغيرة بفكر بتقدر تعيش بأي صدفة" .. بعدين من أد ما كنت زعلانة وألوم بحالي .. جمعت مصروفي وكل اللي محوشته ووديته للمسجد تبرع عن روحها ههههه مع اني وأنا صغيرة كان الشيكل ما يطلع مني غير بطلوع الروح ههه
ولحد اليوم متزكرة المكان يلي دعست عليها فيه وأنا بجري وكل القصص هادي

..... وأنا بسأل كتير بخاف أعمل اي خطأ متل ما قلت .. ان شاء الله ما بعمل معو أخطاء لإنو عصفوري بحبو كتير من زمان من قبل ما اقرر اجيبو
وأهلي الهم سنتين معارضينني عالموضوع وإالي سنتين بقنع فيهم .. وطلع السبب انهم قلقانين عليي لو مرض ومات تتحطم نفسيتي
بس خلص ان شاء الله بجيبو السنة الجاي بعد ما أخلص توجيهي

مع العلم اني انا مجهزتلو مكان .. واسم حلو كتير .. وخطط العاب من اختراعي نلعبها من هون لعشر سنين وأكتر هههههه ...

وأي مشكلة بتواجهني أكييييييد بإذن الله بسألكو

سلملنا على زوجتك اخ ابو ريمان ^_^

وإن شاء الله ما بصير الا الخير

هههههههههه

مشاالله عليكي اختي على تبرعاتك وعلى تفكيرك وعلى حنيتك ,,

بعين الله يا اختي ان شاء الله وماتشيلي هم

كلنا ان شاء الله راح نكون معاك وبنساعدك ان شاء الله

اهم شي اختي ,, التوكل على الله ,,

حتى لو مات وانتي مهتمه فيه مقدر ومكتوب الموت ماهو بيدنا بيد الله يا اختي

لو كلنا متلك بنفكر متل تفكيرك ماحدا يشتري طير

وان شاء الله وئت ما تشتريه خبرنينا وان شاء الله بنساعدك على ئدر المستطاع

اه اختي نسيت بخصوص سلامك راح يوصل ان شاء الله

يلا اختي انتبهي على حالك وبشرينا بخبريه حلوووه