[طير المملكة]

المشاركة الأصلية كتبت بواسطة رومنسيه حدي

الحمدلله انا بخير
ان شاء الله انزل الصور بالكثير بكره..
بياضه ؟ اش يعني؟؟

غيرت مكانهم وحطيتهم بالصاله..
ياقلبي عليهم احط لهم موية دافية هههههههههههه ونااسه..طيب لهم بانيو خاص اشتريه والا كيف ؟؟؟

الله يوفقك ياارب..

لك ودي.

يارب دوم ومو يوم

البياضه الله يسلمك صراحتا ما ادري ايش تسمونها عندكم بس

عندنا في البحرين نسميها ميدان المهم هو البيت الي يدخل فيه الطير

حتى يحط البيض داخله

خخ عاد دافية يعني مو تحطين لهم ماي حار وينطبخون

لالا مافي بانيو خاص

الطريقة يعتمد على طيورك لو طيورك اليفين وما يعضون وعادي تمسكينهم

انا اسكر المغسله وامليها ماي واحط الطير وانا ماسكه يعني اول الايام

لانها شيء جديد عليه واخليه يغط كامل بستثناء رقبته وراسه فوق الماي

طبعا عشان ما يغرق ومع المده بعده احط صحن كبير فيه ماي ويتروش بنفسه وقت ما يبغي

اما ان كان الطير يعض وما ينمسك وما روضتيه فأنا استخدم معاهم علبة رش الماي

نفس الي يستخدمها الصالونات بس في نوع ينضغط بالهوا ويرش ماي ناعم وسريع وحلو

انا اشحنها واحممهم فيه من بعيد

وياريت تكثرين لهم من الكالسيوم هذا يقوي عظام الطير ويسهل الانتاج
والكالسيوم موجود في بيض البقسماط او عظام الحبار او تقدرين
لو طابخه بيض او شيء تاخذين قشور البيض طبعا قشور غير مطبوخة
وتفرفتينهم مع الاكل

ومثل ما قال الغالي بو ريمان الخضراوات مهمه جدا جدا ولو تحصلين زعتر
تعطينهم غصن كل اسبوعين مره ياكلون الاوراق حقها مفيد جدا جدا جدا
ويعمل تنظيف لبطنهم بس لا تكثرين منه حتى ما يجيهم اسهال اعزك الله

واي استفسارات او خدمات الكل موجود

آمين يارب ويوفقك ويوفق كل المسلمين يارب