[بغبغاء رمادي]

اولا قولوا ماشاء الله وبعد معاناة مع طيري الكاسكو ((ميمو)) وخوفه وجعيره وعدم السماح لي بلمسه او حك راسه اسبوعين وانا احلم المس راسه بدون ما يقاومني امس وانا جالس معه القنه ما ادري صدفه او يمكن حظ المهم اكتشفت هالطريقة معاه وهي أني شلته من على القفص وحطيته على طاولة الكنب اللي فيها زجاجة بتشوفونها طبعا وهي المراية تعكس صورته فهو صار يركز على صورته ويفكرها طيري ثاني وينشغل عني وصار يخلني العب شوارع في راسه واحكك زي ما يحلو لي رايح جاي عاد انا انصدمت قلت اليوم بجرب الطريقة ليكون اخونا بالله كان يمزح وبيرجع يعصب من جديد دربتها اليوم ولله الحمد نقس الشي صار يرضى امسح عليه بالطريقة هذي كلها اسبوع وشوي حتى لو شهر مرده بينردع والطير صاير مثل الخاتم في يدي بتوفيق الله عاد انا قلت بنقل هالتجربه لأخواني الغاليين اللي طالعه لهم قرون من طيورهم مثلي وجربوها وقولوا لي ويارب اكون افدتكم مثل ما استفدت منكم في أشياء كثيره وتقبلو تحياتي وشوفوا مقاطع الفيديو سبحان الله مغير الأحوال

1- هذا البارح اول مخاولة
http://www.youtube.com/watch?v=liufbiwNNF4

2- هذي اليوم وصدقوني الحمد لله فرحتي ما تنوصف
http://www.youtube.com/watch?v=Z2OiwLsta4E

ملاحظة \ اهم الشيء الصبر وعدم الضغط على الطير والنتيجة بتصير ممتازة بأذن الله