[Nona999]

الله يعافيك ابوفهد ..

واتمنى الاجابه على اسألت اخوي ابوفهد لانها بتساعدنا وتساعدك ..

وعندي ملاحظه ..

اجيب فوطه رطبه وامسح وجهه ولا كيف الطريقه ؟

ايه نعم اخوي تجيب فوطه رطبه وتمسح وجهه و مو شرط لكن الافضل عشان مايتجمع الذباب

تمشيطهم كل اسبوع مرة او مرتين بلكثير

الواجب تمشيطهم يوميا عشان يتنظف الشعر من الاوساخ و التراب و الشعر الميت والمتساقط ..

ومكان الغايط بزاوية القفص .


لقينا المشكله اخوي مكان قضاء حاجتهم ( الله يكرمك ) بنفس مكان جلوسهم ونومهم ..؟!! وحتى لو كان بزاويه القفص ..

عشان كذا الذباب يتجمع ..

غلط انك تحطه بنفس قفصهم يعني خلنا نتصور وضع كلابك ..

مايتمشطون بشكل يومي ولا يتم تنظيف وجيهم و مكان قضاء حاجتهم ( اعزك الله ) بنفس القفص اللي مايتنظف الا مرتين بالاسبوع ...!

ولا تبي الذباب يتجمع ...؟!

اخوي انا بعطيك طريقه افضل ..

اول شي تسويه انقل مكان قضاء حاجتهم ( الله يعزك ) خارج القفص وبعيد عنهم فـ مكان معرض للشمس ..

بعدين كل ماتجي للاستراحه تطلعهم بالليش على مكان قضاء الحاجه ( الله يكرمك ) فورا لحد ما يخلصون ..

وبعدين تروح تمشط الكلاب كويس وتنظفهم و مو شرط تغسل وجيهم بس يعني نظفها ..

بعدين تنظف صحونهم كويس وتعرضها للشمس شوي و تنظف القفص وترجع تحط لهم الاكل و المويه ..

و شوف اذا بيتجمع ذباب ولا لا..

لان مو شرط تصاب الكلاب بالديدان بس كون مكان قضاء الحاجه ( الله يعزك ) عندهم بنفس القفص هذا غلط ..

لانه يجمع ذباب و ريحه ( الله يكرمك ) و الذباب بيجي ~> على الكلاب و انت تجي~> تلمس الكلاب ~> و تنتقل الجراثيم والبكتيريا لك و..و..و....

و عشان حتى يكون منظر الكلاب وريحتهم كويسه ..

و معليش على التقصير ..

موفق

الحل بالموف