[Coupooo]

السلام عليكم


طبعا قبل مبدأ اسأل . الكلبة الى عندى من نوع الـ Maltese او الـ Havanese و الله مانا عارف
و عمرها 5 شهور و نص

...


اولا انا بدرب الكلبة دى على اوامر الطاعة .. بس مش كلها ( او بمعنى اصح الأوامر الى انا بحتاجها )
بس بيقابلنى بعض المشاكل و في بعض الحاجات عايز اسأل فيها


اول حاجة ... انتو فاكرين المشكلة الى كانت مغلبانى و هى انى اعلمها انها تتبرز فى مكان معين ... طبعا انا كنت زهقت من انى اعلمها ده ... بس المفجأءة انها اتعلمت ده لواحدها و انا اكتشفت ده من يومين . لما كانت قاعده فى الشقة و انا قاعد برا . و لقيتها خرجت و راحت حته بعيد اوى فيها كوم رمل و طلعت فوق و عملتها ... طبعا انا امبهرت بجد مكنتش مصدق نفسى و روحتلها و شجعتها جامد جدا و اديتها كورن فليكس عشان هى بحبه اوى

بس حاجة لاحظتها ... و انا رايحلها مكنتش بتكلم خالص ... طلعت تجرى منى لحد لما ندهتلها و روحت اديتها الكورن فليكس ... و شجعتها ..

ليه هى جرت منى ؟؟ و هل تصرفى ساعتها كان صحيح ؟؟؟


++++++++++++++++++++++++++++++++++++++++++++++

تانى حاجة ... انا علمتها بعض الأوامر و هما ( اقعدى و فوق و اثبتى و تعالى و اسمها طبعا )
و انا بستعمل الكورن فليكس على انه تريتس عشان هى بتموت فيه

بس انا مش عارف اعلمها الـ Eye Contact ده خالص .... مش بتبص فى وشى اساسا و دائما مركزة تركيز تام على التريت او الكورن فليكس ... اعمل ايه ؟؟؟؟

و لما حبيت اعلمها تجيب الكورة ... لما بيكون معايا تريتس برتوح لحد الكورة و تسيبها و تيجى جرى عشان تاخد التريت و انا طبعا مش بديها حاجة ... و لما ميكونش معايا بتروح تاخد الكورة و تلعب بيها لواحدها

مع العلم ان التريتس كلها فى جيبى يعنى هى مبتكونش شايفاهم

++++++++++++++++++++++++++++++++++++++++++++++

تالت حاجة مشكلة بتقابلنى اثناء التدريب ... فى بعض التدريبات انا بيكون معايا واحد صاحبى عشان بندربها مع بعض ... لما اقولها " لا " على تصرف غلط عملته بتروح لصاحبى و مترضاش تيجى تانى خالص الا لما تشوف التريت

++++++++++++++++++++++++++++++++++++++++++++++

و رابعا .... انا سمعت انى لازم اعلمها متعضش ... ليه ؟؟؟ ... عشان انا عاجبنى الموضوع ده و بقعد العب معاها اللعبة دى بيدى و نضرب بعض و تعضنى و ازقها ... هى بتحب العبة دى اوى

++++++++++++++++++++++++++++++++++++++++++++++

خامسا ... انا عايزها متروحش لاى حد غيري انا و صاحبى بس ... عشان لو مثلا فى حد واقف معانا و مشى تروح وراه و لما اندهلها مترداش تيجى و مش برضى اضربها ... اعمل ايه ؟؟؟

++++++++++++++++++++++++++++++++++++++++++++++

و اخيرا ... انا قريت عن انى لازم اكون انا القائد و هى التابع ... ازاى اعرف ان ده حاصل ولا لا ؟؟؟




انا طولت عليكم معلش