[yamih]

المشاركة الأصلية كتبت بواسطة Sayo~nara

بس الافضل تخلي القطة تحوم على كيفها بالبيت عدا الغرف اللي ممنوع تدخلها تقفلها عنها

لانها كدا او كدا حتطفش من غرفتك وحتشوف انها مع الايام بتحاول تخرج من الغرفة ..حتعرف محل الباب وبتشوفك لما تخرج وتدخل منه فبتحاول تخرج تستكشف
اكلمك عن تجربة .. قطنا لما كان صغير كان زي كدا في البداية غرفة وحدة بس ولما بدأ يكبر ويتعود علينا ويطفش صار يبغى يخرج .. لا وكمان عارف محل الباب وانو ينفتح من المقبض وصار ينقز يحاول يفتحه ولما باءت هذه المحاولة بالفشل ..استنتج انو من تحت الباب يقدر يفتحه فصار يقعد يخربش (يحفر) بأظافره الموكيت من تحت الباب .. وماشاء الله عليه تبارك الله عنده صبر ..يمكن جلس شهور يخربش لين ما خرب لنا الموكيت مرررررة وقطعه..وفي النهاية صار يقدر يفتح الباب بس طبعا صرنا نقفل الباب بالمفتاح
هو احنا نخرجه لباقي الغرف والصالة بس وقت ما نكون نايمين وهو يبغى يلعب ويخرج يفتح الباب بنفسه ..
اختي صارت تشبهه بـ يأجوج ومأجوج .. تقول له شهور يحفر لين ما نجح مشروعه يأجوج ومأجوج ><\

يعني قطتك لانها جديدة وصغيرة .. لسه كل ما تكبر وتتعود عليك بتحاول تستكشف كل اللي حولها ..
ربنا يخليها لك ..

بالنسبة للرمل .. اتوقع انو الريحة من نوع الرمل المستخدم يعني انتا قلت انو الازرق اللي كيسه كبير وعليه كلام صيني واظن مرسوم عليه قطة سودا مدري بيضا

المهم دا مو مرة كويس
افضل نوع لرمل القطط هو اللي كيسه اصفر وفي منه حجمين كبير وصغير.. مرسوم عليه قطة سودا
هذا النوع مرررة ممتاز ومايطلع ريحة ...شوف جربه .. تلاقيه عند السوبرماركات الكبيرة ..

وان شاء الله باقي الاعضاء يفيدوك اكتر بنوعية الرمل
بس عني افضل اللي كيسه اصفر ^.^

البخور وملطفات الجو بإذن الله ما تضرها بس وقت ما تبخر او تعطر الغرفة يفضل انك تبعدها و
حتى انتا اذا اتعطرت لا تشيلها عشان لا تعطس ..

ويفضل بما انو قطتك صغيرة انك تعودها على اكل البيت لانه اصح .. يعني الاكل المطبوخ في البيت افضل لها =^.^=

مشكووووووورهـ على الرد أختي .. ومثل ما ذكرتي بكلامك، هذا كان الحاصل مع القط الذكر اللي كان عندي من كم شهر .. بالفعل تعود على غرفتي وخلال أسبوع عرف مكان الباب وصار يدور أقرب فرصه لأجل يطلع من الغرفه ويستكشف المكان .. سبحان الله صدق أن القطط فضوليه ههههه

بالنسبه للي عندي هالأنثى، أنا والله مدري وش فيها لكن بإذن الله تكون لسا صغيرهـ بالعمر وخايفه من أي شي .. طبعآ روشتها أنا أمس وأحسها كرهتني هههههه
بعدين يا جماعة أنا أسمع أصوات منها والله ما كأنها قطه ..
يعني مثلآ تجي تجري وأسمع صوت خفيف كذآ >> (( غرغرغررررر ))
<< لحد يسأل كيف ينكتب هالصوت لكن عسى اللي عندهـ علم عنه يشاركنا ..