[عمر)]

بسم الله الرحمن الرحيم

السلام عليكم ورحمة الله وبركاتة ,,

طبعا ً ياخوان الموقع بعد الله له الفضل في دخولي وتعمقي في هالمجال الي احس انة بيضيع وقتي

وبيوديني في داهيه من ناحية الدراسة

المهم

طبعا انا كان لي تجارب في الافريقي وحبيت اخذ لي طير لي وللعمر وخلاص اترك الطير والحمدلله توفقت وشريت سلفر فرخ افريقي انتاج المربي والمنتج المميز والقدير والمحترف ابو مصطفى


ودورت شروحات للغر ولا حصلت إلا شروحات احسها بصرااحة مطرسة يعني يتكبكب علي الطير ويتوصخ و و


وحبيت اعرض طريقتي الي اعتبرها افضل طريقة


الادوات والمقادير

طبعا لازم تاخذ ابرة مثل الابرة ( السرنجة ) في المقطع وتشبك فيها لي صغير وتاكد انك تثبتة تمام عشان ما ينفك ويسبب لك مشاكل ..

خذ اي بودرة غر ( وانا استخدم بودرة الغر الي مسويها ابو مصطفى ) + سيريلاك واخلصة وحط معاة موية دافية وانصح الجميع بالتنويع يعني مرة في الاسبوع خضار وفواكة تطحن وتحط في الابرة ( السرنجة )

نصيحة وملاحظة هامة : انتبة ثبت اللي ( الخرطوش ) مضبوط لا ينفك ويدخل في بطن الطير ويموت

وهذا شرح بسيط جدا واعتذر عن التصوير السيئ بس الشكوى لله وسبب وضعي للمقطع اني شفت كذا طريقة خاطئة في الغر وحبيت اوضح ما تعلمتة من الخبراء والمحترفين ابو مصطفى والاخ عبدالعزيز ..

طبعا ً الشكر للمنتج المحترف ابو مصطفى ولا انسى الزميل المتميز في هالمجال عبدالعزيز الرفيعة


ماشاء الله تبارك الله

http://www.youtube.com/watch?v=v-tscVvqDC4


واي شخص يبي اي شي او اي سؤال انا جاهز علما اني مبتدئ بس بفيدكم بالي عندي

والي يبي ينقل ينقل الهدف الوحيد من الموضوع الفائدة للجميع


تقديري للجميع ,,