[Abo_fahed]

وعليكمـ السلامـ ورحمهـ الله وبركاتهـ

انا عضو جديد توني مسجل والصراحه ماخلاني اسجل الا المنتدى الرائع والمتميز الصراحه ,,

أول شي احب ارحب فيك معانا

وانضمامك لقافلة تــوزو

وبانضمامك هذا اسعدتنا وشرفتنا وقويت معنوياتنا لثقتك فينا

وهذي بطاقة ترحيبية نهديها لك يالغالي



-ـ-ـ-

انا يااخوان ابشتري كلب الماني شيبرد عمره سنه وسبع شهور ,, مدرب على ىالطاعه فقط
بسعر 3000 ريال

اذا مدرب على الطاعة المتقدمة يالغالي ممتاز وسعره حلو

لكن << !!

في اشياء ثانية يجب معرفتها

هل الكلب عنده شهادة بديقري >> من المهم معرفة اذا كان بلود لاين الكلب من الووركين تايتل الممتاز

عشان نقدر نعرف اذا من الممكن الكلب يكون حارس ممتاز

لان الكلاب التي تحمل ووركين تايتل ممتاز تتميز بالصفات التالية .:

1 - بري درايف عالي

2 - ديفينس درايف عالي

3 - فايت درايف عالي

4 - جينات وراثية غاليه من العيوب خاصة >> الهيبس والالبو

بعدين في شي ثاني

وهو شلون كان يعامله صاحبه القديم >> ممكن ان يكون الكلب يسمع اوامر الطاعه

لكن << !!

تعرض لموقف كسر شخصيته وسبب له خوف من شئ معين

يعني يالغالي لازم تتأكد من كل هالامور قبل شراء هذا الكلب

-ـ-ـ-

وانا اللي اعرف انه تدريب الشراسه افضل وقت له ابتداء من 8شهور الى السنه وشوي

تدريبات الحراسة تبتدي من عمر السنة

اما تمارين العض >> لتأهيله لتدريبات الحراسة تبتدي من عمر صغير ونوقفها بفترة التسنين وهي

من عمر الـ 4 شهور الى عمر الـ 8 شهور ونرجع نشتغل عليها من عمر الـ 9 شهور مرة أخرى

-ـ-ـ-

فانصحني واحد وقال فيه ناس متخصصين تحط الكلب عندهم وتجي تاخده بعد اسبوعين او ثلاث
وتحصله متدرب عن الشراسه

انا ماانصحك انك تخلي كلبك عند احد في امور تحصل من وراك انت ماراح تعرفها

يفضل انك تجيب المدرب عندك في البيت وتتفق معاه يدربه بحضورك الشخصي

لان الكلب اذا كان متعلق فيك وكنت اننت الي تدربه على الشراسة

بيكون اشرس واذكى في تطبيق الاوامر >> حتى يرضيك ويحميك

-ـ-ـ-

,, وكلها فتره وراح يتعرف عليك الكلب ,,

انا معاك راح يتعرف اليك >> لكن احنا مانضمن شلون راح يكون التقابل بينكم

ممكن سببوا له عقدة معينه وتطلع عكسية عليك

اجعل كل التدريبات امامك لتضمن حقك

-ـ-ـ-

»» نصيحتي الاخيرة ««

اشتر جرو صغير بالعمر >> 4 شهور

وقبل شراؤه تعرف على الجيرمن شيبرد من خلال هذه المعلومات وكيفية اختيار الجرو .:

لان الاستنتاج العلمي للكلاب

يوضح ان الكلاب يتم ظهور جيناته من عمر الـ 4 شهور تقريبآ

وهذا يالغالي يعتمد على الجينات الوراثية >> البلود لاين للكلب

والجيرمن الوورك لاين يالغالي نوعين .:

سبورت دوق جيرمن

قرين لاين جيرمن

واذا كان الاب والام يحملون وورك تاتيل صحيح

فهذا ينتقل بالوراثة الى الجراء

فصائل الجيرمن يختلفون عن بعض من حيث

السلالة والذكاء والأداء العملي

-ـ-ـ-

ولازم تعرف يالغالي

ان الجيرمن شيبرد ينقسم الى .:

شولاين >> كلاب حراسه ممتازه وكلاب جمال في نفس الوقت

والي فيها ميلان يكون في آخر الظهر



وورك لاين >> كلاب حراسة ممتازة ومعتمدة عالميآ ايضآ ولها ماضي عريق

من الحروب العالمية وليس فيها ميلان في الظهر



-ـ-ـ-

ومافيه مشكله لو تم تززاوج بين الشولاين والوورك لاين

-ـ-ـ-

الحين شلون تختار الجرو الصحيح من بين اخوانه .:

1 - في البداية لازم تختار الجرو صاحب الجسم الصحي >> يدل على التغذيه الصحية وخلوه من

الامراض مثل الصورة Ideal



2 - اختار الجرو صاحب الراس الكبير ومتناسق مع الجسم



3 - اختار الجرو الذي اذنيه واقفه على شكل 11

ولاتختار جرو اذنيه على شكل 7



4 - افحص الاسنان وتاكد من نظافتها

5 - تاكد من الورك عند الجرو >> من خلال مشيته ماتشوف رجليه الخلفيتين يتداخلون في بعض

وهذي صورة توضح وقفة الكلب الصحيحة من الخلف



6 - افحص المرفقين عند الكلب ولاحظ وقفة الكلب واياديه الاماميتين اذا كانوا مفتوحين جدآ

قد تكون اعاقة أو زيادة في الكالسيوم

ابحث عن الجرو صاحب الوقفة الصحيحة مثل هذه الصورة





7 - تاكد من عدم اتساع الاصابع عن بعضها ويحتوي على 5 اصابع فالبعض يأتي مع 6 اصابع

وهذا يحتاج الى جراحة انت في غنى عنها واختار مثل الصورة A





8 - تأكد من وجود علامة النجمة في صدر الجرو فهي تدل على نقاء السلالة



-ـ-ـ-

الحين يالغالي راح تكون مرتاح من انتاجك القادم

لان انتاجك راح يكون سليم .:

1 - الجينات والصفات الوراثية والشكلية

2 - الوركين سليمين >> Hips

3 - المرفقين سليمين >> elbow

-ـ-ـ-


ان شالله افدتك يالغالي

وبخصوص انك تبحث عن كلب

ان شالله الاعضاء بيفيدونك على الخاص

او

انك تقدر تحط طلبك لقسم اسمه >> قسم الشراء

أو

انك تبحث في قسم البيع