|
رد: الببغاء عنده السالمونيلا .. تجاربكم ونصائحكم بخصوص هذا المرض
كل شوي أويق وأطل على الببغاء لا يصير قابع بأرضية القفص ومودع
آخر التطورات بعد مرور تقريبا 20 ساعة على العلاج :
1- الطير مازال خامل وهاديء ولا له خلق شي ....( صدق المرض شين ياجماعة ) 
2- الطير أحسن من ناحية الأكل ... أول كان يرفض الابره والحين يرفضها لكن أحسن من الأول ...
3- خراج الطائر تكرمون ... مره يصير طبيعي وعادي ومرات يصير سائل شفاف << واللي يعرف وش معنى هذا يقول لي وشمعناه لو تكرم
الأخ الكريم أبو محمد شكرا على المعلومة ماقصرت
====
الأخ الكريم فواز ماقصرت وجزاك الله خيرا ... وياليت لو تتكرم وتقولي طريقة الاهتمام بالطير ..
===
الأخ الكريم أبو ريم ... شكرا لردك .. وفعلا كلامك صحيح توبة ماعاد أقرب الهولندي ... قبل 4 أشهر كان عندي هولندي ومات لكن قلت يمكن سبب موته عدم اهتمامي فيه ... والحين هذا مهتم فيه اهتمام مو طبيعي ومع ذلك مرض والله يشفيه
===
الأخ الكريم فوزي .. شكرا لردك وماقصرت ... وياليت تقول لي إذا العلاج اللي انا استخدمه للطير مناسب وكافي وهو مضاد حيوي يوضع في الماء ؟
|