[الخبير نايف]

المشاركة الأصلية كتبت بواسطة ..موني..

السلام عليكم ..

عندي صديقه لي عندها قطه وتوها جايبه كيتنز ..
وقالت لي انها راح تعطيني وحده هديه بس لما تكمل شهرين
عشان تطعمها ومن هالكلام ..
وانا من الوناسه مشتطه
وابغي تكون عندي خبره اكثر فالقطط .. لانها بتكمل شهرين فالعيد !!

فـ بما انها اول مرة تدخل قطه بيتنا ..
ودي استفسر عن كذا شي ..

اولا ..

واذا رحت محل خاص باغراض الحيوانات , شنو الاشياء المهمه اللي اخذها قبل لا تجي القطوه (غير الليتر بوكس والاكل) ؟

صحون للاكل العاب تراب

هل محلات هاذي تبيع اطواق حلوه للقطط , او وين احصلهم ؟

ايوه تبيع اطوق .. انت شف الاطواق والي يعجبك اختااره

وش هو افضل .. اعطي القطوه الاكل الخاص بالقطط ( الدراي فود ) , او المعلبات او اكل البيت ؟

الدراي فود مكمل غذاىي الافضل اكل البيت طبعا ومعلبات لدلع يعني كل اسبوع مره

كم وجبه تاكل فاليوم (بتجيني وهي عمرها شهرين بالضبط) ؟

4 وجبات في اليوم

وين احط الليتر بوكس , علماً بأن بيتنا تحت سيراميك وفوق زوليه .. وانا اتواجد فوق اكثر , وصعب احط الليتر بوكس ع الزوليه , (عطوني من خبرتكم) ؟

1-وضعه في مكان هادئ
2-وضعه بعيداً عن المواد الغذائيه وأطباق الطعام في المطبخ ..
3-وضعه بعيداً عن أطباق أكله وشربه ..
4-تجنب وضعه في غرف مظلمه ومكتومه كاالـسراديب والمخازن والتي يمكن
أن تتعرض لعفن والبكتيريا لعدم وجود التهويه المطلوبه
5-مرااعاة قطتك لان عمرها شهرين بعدم وضع الليتربوكس بالطابق العلوي ،، لصعوبة تسلق السلالم ذهاباً وأياباً وذالك بخليها تعملها فاقرب مكان في المنزل

افضل انواع رمل الليتر .. (ابغي النوع اللي يكتّل السوائل) ؟

برايي فريشن أيزي لانه قوووي جدددداً بالتكتل وأمتصاص الروائح ..

اخليها من اول يوم تتمشى على راحتها فالبيت , ولا احطها بغرفه واخلي الباب مفتوح ؟

طبعا ايه علشان تتعرف على البيت

هل ممكن اخليها تنام معاي في نفس الغرفه , ما راح يضرها التكييف البارد جدا ؟

لا ماراح يضرها وافضل علشان تتوالف معك بسرعها

هل لازم اشتري الليتر بوكس من المحلات الخاصه , ما يصير اخذ العلب البلاستيك اللي تنباع فالسوبرماركت (الخاصه بالتخزين) ؟

عاادي اهم شيى يكون قوائمه صغيره على شان القطه صغيره تقدر تدخل وتطلع على راحتها

اسفه جدا جدا , ادري انها اسئله وايد
بس والله ماعندي خبره كثيره , وهالحيوان بيكون في ذمتي
ولازم اهتم فيه
ومشكورين كلكم

لا وش دعوه هذه واجبا وحياك الله في اي وقت واي مشكله تواجهك احنا تحت امرك