بســــــــــــــــم الله الرحمــــــــن الرحيــــــــــــم
الســــــــــــلام عليكــــــــــــم ورحمــــــــة الله وبركـــــــاته
الــــدرس الســــــــادس عشر
تحريك الصور داخل الاطار
النتيــجــــــــــــــة
الصورة المستخدمة
روابط الصور المستخدمة باحجامها الطبيعية ..
http://dc16.arabsh.com/i/03221/l2ytk48lpf83.jpg
http://dc16.arabsh.com/i/03221/fyv1of998i0f.jpg
http://dc16.arabsh.com/i/03221/q2dy3r64e3f2.png
http://dc16.arabsh.com/i/03221/gompki37r2f1.jpg
خطـــــــــــوات العمــــــــــل
نفتح برنامج الفوتوشوب ... ونضغط CTRL + N ونختار المساحة
المناسبة لنا للعمل
احين بندرج الصور .. صورة اطار ( اي اطار نبيه )
+ صور مختلفة لاطفال او حيوانات او الي نبي
انا اهني بشتغل على الاطار + صور 3 لـ يهال
طريجة الادراج .. بنضغط CTRL + O بيفتح لنا نافذة
عشان نختار الصورة الي نبي ندرجها
رح ندرج كل الصور الي نبيها ممكن ندرجها على دفعة وحدة
ويكون انا نحدد اول صورة نبيها ونظل ضاغطين على CTRL ونحدد باجي الصور
لين ننتهي من اختيار جميع الصور ..
او اننا ندرج كل صورة بنفس الطريجة بالضغط على CTRL + O ونكررها لين
نخلص من ادراج جميع الصور
عقب ما ندرج جميع الصور في الفوتوشوب .. رح نروح عند كل صورة بالترتيب
وبنضغط عليها CTRL +A بعدين CTRL +C
بعدين بنروح لمساحة العمل الفاضية الي فتحناها بالاول وبنحددها
وبنضغط CTRL +V
بنلاحظ انه الصورة انسخت على مساحة العمل .. بنكرر هالخطوة ويا كل الصور
ولازم بالاخر يصير ترتيب الطبقات مثل جذيه ..
اهم شي انه طبقة الاطار تكون فوق باجي الطبقات .. اما الطبقات الي فيها صور
اليهال موب مهم ترتيبها
احين بنحدد طبقة الاطار ورح نستخدم الاداة المحددة الي اهي الـ Magic Wand Tool
عشان نتخلص من الجزء الابيض
رح نحدد الاداة ورح نضغط على الجزءالابيض بعدين بنضغط CTRL +X
احين بنصغر حجم الصور بنخليها مناسبة لحجم الاطار
الطريجة ..
1- نحدد طبقة الصور
2- نضغط CTRL +T
3- بنلاحظ انه الصورة تحددت وصار ممكن نصغرها
4 - بعد الانتهاء من تصغيرها نضغط ENTER
اذا حبيتو تخلو الوان الصورة ابيض واسود
حددوا الطبقة الي فيها الصورة واضغطوا CTRL + SHIFT +U
احين بنضيف طبقة يديدة وبنعبئها باستخدام اداة التعبئة باللون
الي نبيها وبنغير مودها الى SOFT LIGHT وبنخلي ترتيبها
فوق صور اليهال وتحت صورة الاطار
رح تصير عندنا بذا الشكل
رح نظهر شريط الانميشن من قائمة Windows رح نحط
علامة صح عند Animation ورح نلاحظ انه ظهر لنا تحت وفيه فريم واحد
رح نضغط على الشكل الي انا محددته عشان نزيد عدد الفريمات في شريط الانميشن
بنخلي عدد الفريمات = عدد الصور
يعني انا عندي صور يهال 3 بخلي عدد الفريمات 3
اما الاطار مالنا شغل فيه
بنحدد الفريم الاول وبنروح عند الطبقات ونشيل العين من يم صور اليهال
ماعدا صورة وحدة
بعدين بنحدد الفريم الثاني ونشيل العين من يم صور اليهال ماعدا صورة
وحدة بس مو نفس الصورة الي خلينا العين يمها بالفريم الاول
وبنكرر هالخطوة مع الفريم الاخير
يعني باختصار
كل فريم رح تكون فيه صورة وحدة ( من صور اليهال ) يمها عين والباجي
بنشيل العين من يمهم .. ولازم كل افريم الصورة الي تكون يمها عين
مو نفس الفريمات الثانية
اخر شي بنحدد الفريمات ونختار الوقت الي نبيه للتنقل فيما بينهم
بمعنى اخر .. كل صورة لمدة جم نبيها تنعرض ..
احين بنحدد الفريم الاول وبنحفظ شغلنا من
File --> Save for web & Devices
تـــــــــــــم بحـــــــــــمدالله
المـــوضــوع من مجهـــــــودي الشخصي ..و اي ســـــؤال انا حاضــــرة
فـــــــلا تنسوني من صالح دعــــائكم .
اختـــــكم في الله : الهـــــــــام
