|
رد: كيفية عمل لعبه مفيده ومسليه للكلب ((فيديو)) !!!!!!!!!!!!!!!!!
مبدع يا جاسم ...
ما شاء الله تبارك الرحمن ، موضوعك يستحق التقييم بجداره .
معلومات ممتازه ، مسلي ، يطور المهارات ، افكار جديده و شرح مفصل و مبسط .
خمس نجوم تستحق كل نجمه فيها بكل جداره
و اضافة ختم التميز و اضافة الموضوع لفهرس المواضيع المتميزه .
-----------------------
في اشياء كثير سواها جاسم ما شرحها واستأذن بتوضيح البعض منها .
الالعاب مثل اللي سواها جاسم ممتازه جدا للكلب اللي درايفه ظعيف
لاانها تحرك فيه الدرايف اكثر من الالعاب الثانيه و بالتالي راح يتطور درايف الكلب .
النقطه الثانيه المهم انها تصلح للكلاب بكل الاعمار ،، يعني تقدر تبدا فيها من الجراء
بعمر شهر و نصف او شهرين .. بس لازم تكون القطعه دائما بالارض و نرفعها شوي عن الارض .
و كل ما كبر الكلب نبدا نرفع اللعبه بشكل كأنها تقفز عن الارض .
و اهم ما يميز هذي اللعبه عن غيرها زيادة التركيز على العض ..
يعني بالاستمرار على هذي اللعبه راح يكون عندنا كلب يعرف وين يعض بالظبط
بسرعة الضوء  .
الموضوع الاخر حق الديستراكشن بالعصا اللي سواه جاسم .
الكلاب في فترة الفير بيريود .. او فترة الخوف راح تخاف عشان كذا ما ننصح انكم تبالغون في
هذي الحركه .. و كل واحد يحكم على كلبه من خلال ردة فعل الكلب .
يعني ردة فعل كابوو كانت ممتازه لان كابو متأكد ان جاسم ما راح يضربه .
وبعد ما حرك جاسم العصا حول كابو اكثر من مره مسح عليه بالعصا .
وهذي اشارة واضحه جدا للكلب تفيده بان العصا شيء مميز لا يمكن يضره ابدا .
وراح ياخذ الكلب راحته و مع الاستمرار بالتدريب راح نشوف ان الكلب بيتجاهل العصا تجاهل كامل .
وهذا هو المرااااد .
وفي المستقبل لن يخاف من اي عصا مهما كااان .
واللي يزيد طمئنينة الكلب مسكة الارم ( نجيب الكلب عندنا و نضمه او نمسح عليه من الكتف لين الرجل )
عشان يحس بالامان و بشعور جيد كأنه مساج .. ولازم ما نهمل هذا الشي او نقلل من قدره .
الحين يا جاسم المفروض خلال اسبوع تبدأ بضرب الكلب بالعصا ضرب خفيف
يعني على قولتهم نهوش له مرتين ثلاااث وبعدها نعطيه ضربه خفيفه جدا و انتبهو .
اي ضربه قويه راح تعطي عكس النتيجه .. ونزيد مكافئة و حماس الكلب
و تدريجا نزيد قوة الضربه كل اسبوع حتى يكون الضرب الخفيف جزء من اللعب
اللي راح يتجاهله كابو و يعتبره لعب بحت او خشونة لعب عاديه ما راح تأثر فيه ابد .
جاسم .. اتعب وانا اقولك مبدع و موضوعك مفيد وانا رديت عليه بكل حماس رغم
قصر وقتي ( طالع للعمل الحين ) .
لك اجمل تحياتي و تقديري واحترامي واشكرك على وضع اسمي في لائحتك يالغالي .
|