|
رد: من الزواحف إلى القوارض
عزيزي محترف الحيوانات .... انا شخصيا افضل الهامستر خصوصا انه حيوان كيوت خالص و انا الحمد الله توصلت لبدائل كثيرة ممكن تفيدك و توفر عليك فى الصرف عليه
بالنسبة لنشارة الخشب ... انا بجيبها من عند النجار بكمية كبيرة ( شوال مثلا ) و بحطها فى الشمس عشان اى رطوبة فيها تتبخر فبالتالى تكون درجة امتصاصها للروائح و السوائل تكون اعلى و ثانى شئ ان وجودها فى الشمس و الهوا بيخلى رذاذ و تراب النشارة يطرير مع الهوا ( طبعا كل شوية تقلب النشارة عشان تطلع الى تحت فوق و العكس ) و بكدة تكون عندك النشارة الخشنة بس هى الى موجودة و لو كان فيها اى حاجة متعلقة فيها ممكن تضر الهامستر حتكون راحت بتأثير الشمس و الهواء
بالنسبة لاعراض الحمل فهى بسيطة جدا لانك حتلاقى الهامسترة عندها هستريا  يعنى تروح و تيجى و تحاول تجد مخرج من القفص و تجمع الاكل بشكل غريب و حتكون حلماتها بارزن جدا بحيث انك حتشوفها من غير متفرق الشعر الى على بطنها و طبعا بعد حوالى 6 او 7 ايام من الحمل حتتلاقى بطنها اجمد شوية و منتفخة من الجناب
اتمنى اكون فدتك
|