|
رد: يا الربع الكلبه كلت عيالها وهجمة على الراعي والغنم ؟؟!!!
بصراحة قتل الجراء بهذا العمر امر محير واكذب عليك ان قلت اني املك اجابه اكيده .
ولكن من خلال ما مريت عليه من تجارب .. الكلاب اذا كان عندها نيرفز عالي جدا تهجم على اي شي .
كان عندي كلب حريق بمعنى الكلمة .. بدون مبالغه اصنفه من اخطر الكلاب في المملكه .
وهذي وجهة نضري الشخصيه طبعا .
كنت ادربه على الهجوم .. لما اخلي اصحابي ينرفزونه ويحاول الهجوم عليهم اكون انا ماسكه دبل ليش
لي بيدي و ليش مربوط للاحتياط .
واكون حاط له دبل طوق عشان لو لا سمح الله انقطع واحد الثاني يكون موجود .
السيطره عليه الحمد لله تمام ولكنه يلف على اي شي جمبه .
وسبق ولف على يدي ولكن الحمد لله ما عضها رغم انها دخلت داخل فمه ولكنه يعرف
من هو الماستر و من هو الرئيس .
فيبدآ يلف على الاشياء الثانيه مثلا .. كلب اخر ايضا يدرب على الهجوم الجماعي .
او يلف على اشياء بالارض .. مثل سطل المويه اللي يشرب منه
او ساعات عضاضاته او اي شي بالارض .. لانه متنرفز جدا وما يقدر يسيطر على نفسه .
طبعا الكلب ما كان كذا ابد .. ولكن تدريبات الشراسه بالغنا فيها شوي وهذي النتيجه .
وهذا خطأ تعلمت منه .
اعتقد يا صديقي ان الكلب كان يستفز بشكل غير عادي من قبل عاملكم .
و من الممكن انه لف على الجراء بسبب هذا الشي وبعدها العامل و الحلال .
ايضا فيه امراض تغيير من مزاجية الكلب وتجعله متوحش بشكل اعلى من الطبيعي .
ولكن هذي الامراض لها اعراض اخرى والمفروض انها تكون واضحه .
مثل تغير بالنشاط الحيوي و الاكل و المخلفات .. تضهر ايضا على اجزاء الجسم .
مثل الوزن وصحة الكلب ، العينين ، الاذنين ، لون اللثه وغيرها .
بالنسبة لقتل الكلب فهو غير صحيح ولكن الامر انتهى وقدر الله وما شاء فعل .
في مثل هذه الحالات الافضل اخذ الكلب الى مكان بعيد وتركة يعيش حياته بنفسة
ولكن انا اقدر ان في مثل هذه المواقف الصعبه يحتاج الانسان الى سرعة في التعامل .
و غالبا ما يخطئ الانسان .
تقبل مروري .
|