[Naja]

البادجيات من زماااان كنت أربيهم .. اكنت امشي وياهم بالتدريج.

(الخطوة الأولى) وهي اكثر خطوة راح تساعدك، انك تقعد جنب القفص اطول فترة ممكنة خلال اليوم ، واهم وقت لمن تحط لهم الاكل.
(الخطوة الثانية) عطهم اكل من برا القفص ، طريقتي كانت اني اضغط باصبعي على مجموعة من الحبوب و راح يعلق بطرف اصبعي حبات قليلة من اكلهم ،يعني 5 حبات مثلا و قرب اصبعك من بين اعمدة القفص و اثبت و حاول تكلمهم بهدوء، وشوي راح يقتنعون، اذا تمت هالخطوة خلاااص انتهى الموضوع
(الخطوة الأخيرة) تطبقها بعد كم يوم خاصة في وقت وجبتهم الاولى في الصباح .. حط الحبوب في يدك على راحة يدك يعني ودخلها داخل القفص، و ما راح يطول الوقت حتى يبدأ مفعول الجوع و فضول البادجي المفرط بالعمل لوووول

---------
حط ببالك :
فيه يمكن مئة طريقة وطريقة لتدريبهم بس هاذي الطريقة راح تكون تدريب +كسب ثقة بنفس الوقت ، يعني خلال فترة بسيطة راح تلاقيهم يتهاوشون على الاكل وهم واقفين على ايدك ! طبيعي جدا

الشي الثاني في الخطوتي الثانية والثالثة ثبت اصبعك او يدك .. لا تطاردهم أبدا عشان يطلعون على ايدك

الشي الثالث والاخير ، كل هذا اللي قلته لك ، يتم تطبيقه خلال فترة من اسبوعين الى شهر بالكثير ، وهذا يعتمد على حسب كم تقعد وياهم.
اسفين على عدم التنسيق وبالتوفيق،،،