[قاهر الايام]

انا عندي الكاسكو بعد لاحظت له انه ما يحبني مع اني انا اللي اقوم بكل احتياجاته ولا عمري صرخت عليه او ضربته او ما شابه الا مدلعنه اخر دلع

اهو اللحين صار له عندي ثلاث اسابيع

اليوم لاحظتها بقوى فيه هالشي

من جبته لهذا يومك وانا اقول له بابا بابا لكنه ما فكره حتى يقلدها مو ينطقها

جت اختي في يومين يمكن او ثلاثه وبكم مره بس قالت له كوكو الا اهو اسمه اللحين ما شاء الله عليه اللهم صلي على محمد وال محمد يقلدها بالصفره يعني يطلع صفره وكأنه يقول كوكو

طبعا اهو للحين فيه خوف لاحظت له بعد اليوم اني اذا اقرب له يجعر اكثر من اذا احد ثاني يقرب منه

واهو ما ياكل من اليد للحين ياخذ ويرمي

جيت بحاول معاه بالفول السوداني لانه يحبه وانا صار لي كم يوم قاطعنه عنه علشان يشتاق له جربت اعطيه اخذ ورمى اخذت اختي اللي قالت له كوكو الفول من الارض وعطته اكلها في ذمتكم مو قهر هذا انا اللي اتعب واخسر عشانه واهو ما يحبني ويحب غيري

لكن ما اقول الا مسكين اللي يحب وما يحبونه ههههههه

لكن انا وياه والزمن طويل ما بيأس منه ومرده بيفهم اني انا صاحبه