[مون فيس]

هلا اخوووي .. انا بفيدك من خلال خبرتي البسييييييييطه جدااا




""بماذا تنصحون وقت التدريب وهل في اشياء مهمة وقت التدريب ""


<< مافهمت السؤال مره بصراحه


بس اذا انته بتتعلم مع مدرس كوويس ف خلاص لاتشيل هم هو راح يدربك كويس ان شاءالله


بس اهم شي عندي انا .. انو كيف تقدر تتواصل مع الخيل الي بتركبه .. يعني مو تجي وتركب وتتعلم وخلاص ..


مع انو خيوول المدارس متعووده ع البشر ف عادي عندها .. بس لما بتاخذ لك خيل خاص فيك راح تحس بهذا الشي .. انو اهم حاجه انو كيف تتواصل مع الخيل حقك..

بتحس في صعووبه شوي وخاصتن لو كان خيلك مزاااجي ..




"بعد ما اتدرب تقريبا مدة تتراوح من شهر الى شهر ونص
ناوي اخذلي خيل عادي بحدود 3500 الى 7000
ايش ممكن تيجي مواصفاته او ان مواصفاته مواصفات عامة"





شووف اخووي نصيحه منننننننننني اذا كنت لسى بااااادي تتعلم .. خذ لك فرررررررس .. "انثى" وليس خيل "ذكر" ..


لان الخيل اصعب ف التعامل من الفرررس .. الفرس تجي اهدى وتطاوعك اكثرر ..


وهذي من خلال تجربه شخصيه .. اخذت لي خيل "ذكر" وانا اول مره اربي خيل وانا لسى اتعلم الركووب


بس طلع مززااجي عنييد حبتين .. حرام ما اظلم الخيل هذي من قلة الخبره يعني مني انا ..


ف الكل لامني اني اخذت ذكر ما اخذت فرررس .. ف مابغاك تغلط نفس غلطتي ..


اخذ لك فررس هاااديه كبيره بالعمرر .. يعني من 6 الى 8 سنين .. حلوو هالعمر حق التعليم وحبه حبه بس تصيير محترف .. جيب لك ذاك الوقت خيل ..


تصير انت تفرض شخصيتك مو هو يفرض شخصيته عليك .. نفس ماصار لي مع خيلي .. صار هو يتحكم فيني "للأسف"



نجي للسعر .. الفرس غاليه وانا اختك لاكن احسن لك من الخساير .. انو تاخذ لك خيل ب 5 الا5 او 6 وبعدين ماتقدر تتعامل معاه وتبيعه وترجع تشتري لك فرس

ف حفاظا على وقتك وعلى قرووشك خذ لك فرس من اوولها ..


الميزانيه تختلف اكيد .. بس بالمجمل او على الي شفته انا حط في ميزانيتك حق فرس .. 12 الف تقريبا .. هالسعر يجيب لك ان شاءالله فرس طيبه .. واذا في خطأ ياليت احد يصلح لي !!


بس هذا الي شايفته انا بصرااحه وممكن يكون اكثر من ال 12 مو اقل ..



ماقلت لي انت من وين من السعووديه .. بس اذا من الشرقيه .. عندك في الاحساء طبعا مشهووره بالخيوول الطيبه .. وعندك الدمام طريق ابو حدريه هذا كله اسطبلات .. ومن هنا انا شريت خيلي وقريبا بشتري الفرس ان ربي كتب ..

وفي ام الساهك على ما اضن بس ماعرف ..وعندك مواقع بالنت فيها افرااس وخيوول طيبه .. خذ لك فره فيه ..




قلت لك انا قليلة خبره .. ف اذا في اي خطأ في كلامي ياليت يصلحوون لك الخيآلهـ ماراح يقصروون معاك اكيد



وبالاخير اقوولك .. ترا مو شرط الي صار لي يصير لك .. ممكن انت يكون تعاملك مع خيلك افضل مني ف ممكن يمشي معاك الخيل ..


بس انا عطيتك من تجربتي الشخصيه وايش استفدت منها ..

انو اذا تبغا تتعلم تاخذ لك فرررس وبس تحترف خذ لك خيل ..




وبالتوووفيق .. استمتع بالتعليم ولا يجيك احبااااط .. صح احنا قليلين خبره لاكن حبنا للخيوول راح يخلينا نتعلم عشانهم ونصير اطلق فرسان ^_*



وتذكر دائما هواية ركوب الخيل هي هواية الشجعااان .. كلممه قالها لي خالي وخلتني اصررررررر اكثر اني اتعلم ركووب الخيل وما اتنازل عنها ابدا ..



حتى لو ماتووفر لنا المكااان او الجو الي نتعلم فيه"احنا يالبنات" .. لاكن انا راح اسوي هالجوو لنفسي ان ربي كتب ..


واسفه على هذرتي الزايده ههههههه


برب