[lilio]

المشاركة الأصلية كتبت بواسطة basil-ramahi

السلام عليكم و رحمة الله و بركاته
بما اني جديد بالمنتدى حبيت استفيد من الاعضاء الكرام جميعا و بعض الاعضاء الذين قرات بعض من موضوعاتهم و وجدت ان خبرتهم واسع
سؤالي هو عن طيور الزيبرا فينش:

1/بعض الاناث اللي عندي مو راضية تنتج

2/بالنسبة للاناث اللي باضو كيف اتعامل معهم من حيث تفقد القفص و تغذية الام و الاعتناء بالبيض ووووو.....اتمنى تقديم شرح مفصل

3/هو سؤال غبي..........ما هي السلاكة بالتحديد

وعليكم السلام ورحمة الله وبركاته ..

الله يحييك وانت بين اخوانك

بالنسبه للإنتاج اذا كان توك جايبهم او من فتره قريبه وكان عدد الذكور متساوي مع الاناث فإصبر عليهم لأن البعض تقعد 3 - 4 اشهر ثم تنتج ..

واذا كنت جايبهم اكثر من هذي الفترة فربما المكان غير آمن او المكان اللي حطيتهم فيه الجو ماهو معتدل عندهم .. وهم شيء الامان ..

واذا كنت ماخذ كل الاحتياطات فربما السبب في التغذيه : حط لهم البيض بالبقصماط والجرجير والخس وذا كانت صحتهم تعبانه
او هزيلين شوي حط لهم فيتامين مره في الاسبوع ولا تنسى تعلق عظم الحبار ( الكالسيوم ) في القفص لأنه مهم ..
بالنسبه للبيض بالبقصماط في الشتاء 3 مرات في الاسبوع وفي الحر مره واحده ..

واذا استمر عدم الانتاج عندهم افصلهم عن الذكور لمدة اسبوع او اثنين وحاول تخليهم قريب واذا رفضوا الانتاج غيرهم ..

بالنسبه للأناثي اللي باضوا خليهم ياخذون راحتهم ولا تتفحص العش عشان مايهجرون البيض واذا كان فيه مواد تعشيش في القفص
شيلها عشان مايدفنون البيض او الفروخ بعدين .. والغذاء البيض بالبقصماط والجرجير والخس وخلي الكالسيوم معلق عندهم ..
اهم شي لاتقرب العش ولا تتفحصه لأن الطيور تنزعج وتهجر البيض.. مجرد انك تلقي نظره من بعيد عشان تتأكد ان الامور تسير بخير ..

بالنسبه للسلاكه عادي اسئل كثير مايعرفون :

السلاكه احنا نسميه الشبك ( الشبك الحديد المربعات ) فيه منه صغير وفيه كبير ..

الف مبروك عليك الانتاج وعقبال الفروخ ان شاء الله ..

هذا اللي تعلمته من الكثير انشاء الله اكون افدتك ..