[sealed pearl]

السلام عليكم و رحمة الله و بركاته..

لا تستغربون من العنوان او تحذفون موضوعي>> عشان محد يفهمني غلط

انا عندي قطوتين (Persian) من نفس الأم و اعمارهم تقريباً 8 شهور..

لاحظت من فترة ان "سنو" يشم "كرميل" و يعض رقبتها, حتى اني لقيت شعرها في حلجه

يمكن الحين هو يبي يتزاوج والله مو متأكدة..

كرميل من بعد ما غابت عنا يوم (بس ارجعت لنا, يحليلها شكلها ادل البيت خخ) و هو يشمها

طبعاً هم دايماً يلعبون و يلحسون بعض بس سنو ما كان يشمها بهالطريقة (من ورا) و بعدين
يحاول يعض رقبتها. إذا انا جفت انه يأذيها ابعدهم عن بعض لأن واضح ان كرميل مب طايقته هاهاها

هذا هو الفيديو و قولوا لي رايكم

http://www.youtube.com/watch?v=5TPQAj4pYms

ترا سنو شعره حلو و طويل بس اختي سوت له عملية تخريب اقصد تصفيف على قولتها
عشان يكون شكله ارتب و يعرف ينظف نفسه احسن (اتعبت و هي اتمشطه هاهاها)

المهم

إذا في أحد عنده نثية بالغة و صحتها ممتازة و يبيها تتزاوج يخبرني لأن انا ما ابي كرميل تحمل من اخوها>> سمعت انه ممكن الصغار تطلع فيهم عيوب..

و نفس الشي حق كرميل إذا هي تحتاج تتزاوج افضل ان الذكر اللي بتتزاوج معاه يكون من نفس الفصيلة و يكون أبيض.

اختكم
sealed pearl