[ماكسيموس]

المشاركة الأصلية كتبت بواسطة ماكسيموس

السلام عليكم ورحمة الله وبركاته

اليوم رجعت من الدوام وشفت الكاسكو الافريقي حده تعبان وعلى طول شفت كوب الاكل لقيته مو ماكل شي ،، ولقيت عنده اسهال اجلكم الله .

جربت معاه كل شي و صرت اعطيه الاكل بيدي وكان رافض ياكل وصرت اكسر له الحب بيدي واعطيه وهم ماياكل .

رحت وكسرت الحب بيدي مع الفول السوداني مع الشعير ومع الذره وطحنتهم وحاولت اغره وهم ماكان راضي ياكل وظليت اغصبه وكان يطلع الاكل من حلجه مالقيت اي طريقه

بس لقيت فكره وتوني رحت الصيدليه وقلت للصيدلاني ابي شراب مغذي بحيث ان الشخص لو ما اكل شي هذا الشراب يعوضه لو بنسبة خمسين بالمئه على الاقل فعطاني شراب وقالي ان فيه فيتامينات ومعادن وانشاءالله يعوض لك كل شي .

طبعا طلبت الدواء لطفل عمره شهر على اساس اعطيه للببغاء الي عندي .

وانشاءالله مايصير شي بالطير وابي اجرب التجربه هذي الحين لاني لاحظت ان الببغاء رافض ياكل وبس يشرب ماء وبس ففكرت في هذي الفكره وانشاءالله اذا صار في اي تطورات يارب ابي اخبركم يا شباب

ادعولي الله يخليكم

ومشكورين

كما وعدتكم ان اخبركم بجميع التطورات ( اليوم الثاني )

من امس مانمت ومجابله وقاعد جدامه --- والحمدلله على كل حال الحمدلله لك يارب على كل حال ماشاء الله
صحة الكاسكو تحسنت شوي وصار في تغيير والتغيير بدأ معاه اليوم الفجر الساعه 4 بالضبط حسيت في تحسن ملحوظ بفضل الله سبحانه وتعالى وبفضل دعائكم وتوجيهاتكم وبفضل الدواء الي اخذته من الصيدليه امس الخاص بالفيتامينات .

واليوم من الساعه 8 الصبح وانا واقف عند باب البيطري اخذت لي كفوف مع سيريلاك خاص للببغاء وخلطته مع الماء ومع الدواء الي عطاني اياه البيطري ---- ورحت البيت بالبدايه كان الكاسكو رافض ياكل لبست الكفوف ومسكته غصبا عنه وظليت اوكله بالابره غصبا عنه شوي شوي بدت شهيته تفتح وصار ياكل السيريلاك من نفسه ولله الحمد ------------- وانشاءالله اذا صارت اي تطورات لجدام هم راح ابلغكم اول بأول ادعولي الله يخليكم ---- لان صح شهيته منفتحه الحين لكن الكاسكو للحين ظاهر عليه التعب .

وشكرا لكم جميعا