[صمت الأمل]

أهلين وسهلين أخوي الصمت الدافئ ..


أولا اللهـ يعطيكـ ألف عافيهـ على طيبة قلبكـ وحبكـ لمساعدة غيركـ .. أهنيكـ على هالشيء .


لكن اللهـ يجزاكـ خير لازم تضع حدود للمساعدهـ البسيطهـ وبين توزيع الدجاج بين معارفكـ ,, خصوصا لو كان مجاني ..


اذا أنت بنفسكـ أهديت هديهـ لأحد منهم مافيهـ مانع ,, المصيبهـ لو يطقون عليكـ الباب ويقولون عطنا من الدجاج لأنهم يعرفون انكـ توزع دجاجكـ ,, وهم ماراح يمانعون ويمكن يطمعون أكثر .


اذا أحد طلب من دجاجاتكـ لاتكذب عليهم وتقول ماعندي ,, مايصلح وممكن لاقدر اللهـ يروح الحلال كلهـ بسبب هالكذبهـ .


ومستحيل تقول لهم لا ما أبي أعطيكم خلصتوا علي دجاجاتي ..


نفس حالتكـ صارت لي ,, تخيل ياخذون دجاج من عندنا .. وبعد يوم أو يومين يرجعون يقولون بدلوها لأن أشكالها ما أعجبتنا ..


في الأخير انجنيت وأنا أشوف دجاجي يروح ببلاش على ناس حتى مالي علاقهـ فيهم وماعرفونا الا في وقت الدجاج المجاني ..


قلت لهم بالحرف الواحد (( السوق قريب ومليان طيور )) يعني أفهموها .. وفعلا فهموها وماطلبوا أي شيء مرة ثانيهـ .


الحل :


أنكـ تقوي قلبكـ أولا ,, لأن لو ماتضع هالحدود حالا راح يجي يوم وممكن تنفجر عليهم (( مثل ماصار لي وانا حاليا ندمانهـ لكن مرتاحهـ ,, لأن في البدايهـ أهديتهم ثم تجرأو وخربو الموضوع بأنفسهم ))


اذا أحد طلب منكـ دجاج ,, قول لهم اني احتاجها للتفريخ وجمع البيض .. اذا تبي مساعدهـ أو مشورهـ بالتربيهـ أو حتى أطلع معكـ السوق أبشر .. لكني حاليا محتاج هالدجاج اللي عندي .


(( وانتبهـ تقول بعد التفريخ ابشر راح أعطيكـ ,, ترى كذا راح ترجع لنفس المشكلهـ وكانكـ ماسويت شيء ))


ونفس هالكلام قولهـ لباقي اللي يطلبكـ ..


لأني عارفهـ شعوركـ وقلبكـ يتقطع عليهم .. واللهـ شعور مقققرف وتحس انكـ مقهور لكن ماتبي تزعل عليكـ أحد .


لكن صدقني أول ماتتركـ الخوف وتضع هالحدود راح يحترمون رغبتكـ ومايطلبوكـ مرة ثانيهـ .. وترتاح من هالهم ..


ولو تقدم الناس دايما على نفسكـ ماراح ترتاح أبدا أبدا في حياتكـ .. وماراح ياخذ حقكـ غيركـ ..


(( من واقع التجارب الشخصيهـ والحوادث اللي مرت علي ))


الدجاج اللي راح حاليا اللهـ يعوض عليكـ باللي أحسن منهـ ..


اللهـ يوفقكـ ويجزاكـ ربي ألف خير على نياتكـ الطيبهـ ,, للأسف ماصارت تعيش في هالأيام (( اسأل مغدوووور والمغدورين كثير )) ..


في أمان اللهـ .