[يوفاوي الكويت]

المشاركة الأصلية كتبت بواسطة ام ماجد

شخباركم ياهواة وخبراء ومحترفين الببغاوات ^^

عندي كم سؤال بستفسر عنهم الله لايهينكم


- كيف اعرف اذا طيري فيه مرض مثلا التهاب باذنه والا دود في بطنه مادام نشيط ويآكل اوكي ويصفر ويلعب ؟
او اي مرض ثاني
هل ان جميع الامراض تبين في حركة الطير والا ممكن يمرض وهو على نشاطه ؟؟؟

بالنسبه للدود يبين علي عظمة الصدر اذا كانت بارزه بالنسبه للمرض جميع الامراض في البدايه ما تكون واضحه من خلال الحركه مثلا الميكوبلازما ما يبين المرض الا في مراحل متقدمه

- الحب المشكل انا اشمسه علشان الشمس تقتل الجراثيم كم احطح بالشمس
يعني المده الكافيه لقتل الجراثيم كم ساعه او كم يوم ؟

بصراحه انا ما اشمس الحب لاني اشتري له مشكل ومن محل معروف

- اشوف طيري اكرمكم الله اذا بيتبرز كأنه يحاول يعني مب من اول مره يبي يتبرز يسويها
هل هذا مساك وشو علاجه؟ على الرغم من ان الطير نشيط الحمدلله

هذا شي طبيعي يعني يحرك ذيله شوي وبعدها يتبرز

- جناحات طيري اذا فردها مافيها قصير بس اذا رفع جناحه فوق اشوف داخل كأنه طبقه ثانيه للجناح صفه وحده
قصيييييره وطيري مايطير
هل هذا طريقة قص اوكي والا ممكن يطير علي ؟
ممكن صوره لجناح الطير علي شان نعرف

- الطير الكاسكو اذا عدى السنه هل نخاف عليه من الهواء ونفس الكلام والا خلاص تقوت مناعته ؟

الطير مثل الطفل الصغير كل ما يكبر تقوي مناعته بس هالشي ما يمنع انه يمرض واذا ما تعالج
راح يموت

الوقايه خير من قنطار علاج


وشكرا لك مقدما ^^

ان شالله وصلت الاجابات