|
سؤال مهم للخبراء في تربية الدجاج
السلام عليكم
حبيت اسألكم كوني مبتدئ في تربية الدجاج
ماهو افضل نظام غذائي ممكن يقدم للدجاج ؟ من حيث عدد الوجبات ومن حيث نوعية الاكل
راح انا ابدأ بطريقتي ان كانت غلط فياليت تصححونها لي
وياليت كل الخبراء مايبخلون علينا باسلوبهم في تغذية الدجاج وكم وجبة يقدمون لهم في اليوم
انا راح اكلمكم عن طريقتي
انا اعطيهم 3 وجبات في اليوم
الوجبة الاولى : غالبا ماتكون حبوب واكثر شي في الحبوب ذرة مكسرة مع كم صنف حبوب وتكون في الصباح الباكر .
الوجبة الثانية تكون بعد فترة الغداء : وتكون الزايد من غدانا من خضرة وبقايا الغدا واي شي ذابل من الخضرة او الفاكهه والعيش البايت
الوجبة الثالثة تكون في نهاية النهار او بعد اذان العشاء وتكون خبز منقوع بالماء
طبعا لاتنسون ان تحطون كمية قليلة من الاكل عشان ياكلونه كله وتقل الكمية المهدرة من الطعام بس طبعا موشوية حيل بس هم لاتحطون كمية كبيرة حيل حطو الشي اللي يكفيهم
وكل يوم جمعة في الصباح اريقهم بصل وثوم بكمية كبيرة طبعا عشان ارفع من مناعتهم وازود اجسامهم بالفيتامينات اللي يحتاجونها
هذا هو نظامي الغذائي اللي انا معتمد عليه حاليا ياليت تنوروني بطريقتكم في تغذية دجاجكم وشكرا
|