[M!ss LoLo]

السلام عليكم ورحمة الله وبركاته

اخواني الاعضاء قبل اسبوعين انا نزلت موضوع عن ببغائي

http://www.2zoo.com/vb/showthread.ph...16#post1793716

وقريت مواضيع عن الترويض للأخ سكر

وحاولت اجرب طريقتو في الترويض الي في الفيديو

بس المشكله انو الببغاء حقنا سارلو اسبوعين عندنا والى الآن يزعق لمن نقرب منو

ولمن نخرجو يزعق بقوه صوتو مره مزعج طفشني وربي

هوا الحمدلله الاسبوع الي فات كنت اخليه يجوع واجي أأكلوا فصفص وياكل مني عادي

بس احس من بعد ما خرجناه ومسكناه زي الي حقد علينا

احاول اجي أأكلوا يآخد مني الفصفص ويرميه ويزعق لو بس حاولنا نقرب منو

واخواني كمان يزعقو عليه لمن هوا يزعق

اخواني قولولي ايش اسوي معاه ؟!

بابا مره بيضايق منو ومن صوتو

وبعدين لمن اعطيه فول سوداني يقشرو ويرميه ما يآكلوا ايش اسويلو ؟!

ساعدوني الله يجزاكم خير