قصتي مع تو زوو والحيوانات
السلام عليكم
أنا حابة شارككون قصتي مع المنتدى وكيف عرفته
أناأصلي من سورية ومقيمة في الرياض
من سنتين ونص صديقتي جابت هامسترين وانا حبيتون كتير وترجيت اهلي كتير انو يشترولي هامستر ولكن دون فائدة وانا ضليت مصرة عالموضوع حتى جابولي هامسترين  وفورا فتت عالنت وبحثت عن مواقع ممكن تفيدني وتعطيني المعلومات الكافية عن الهامستر ولقيت هالمنتدى الحلو والأعضاء اللي ساعدوني كتير ولساهون عم يساعدوني
بعد بسنة امي مرضت بسرطان الرحم بعيد عنكم جميعا والحمد لله عم تتعالج وصار مع امي بعد هالمرض هوس بشي اسمه قطط لأن أنا واخواتي كنا نسافر كتير ع سورية وتضل هيي والبابا فحبت فكرة تجيب قطة عالبيت كرمال تسليها
ويوم من الأيام طالعة ماما مع بابا بالسيارة ولا بيسمعو صوت شي عم ينوي بينزل بابا بسرعة وبيشوف شوفي بالسيارة بيطلع قط صغير ماعمره شهر واقف عالمحرك وعم ينوي من الوجع راحو اهلي اخدوه عالبيت وحمموه وطعموه واخدوه عالبيطري عطاه لقاحات وضل عنا القط والهامسترز ماتو
وبعد فترة امي بتروح ع محل جون للحيوانات وبتشوف كلب صغير كيوت كتير بتحبه وما بتطلع من المحل الا هوة معاها صار عنا قط وكلب بعدين امي بتشوف عند عالم كيتنز صغار كتير حلوين بتجيب واحد ابيض شعره طويل ضل عنا تقريب 7شهور بعدين مرض ومات وامي زعلت كتير كتير راحت اشترت قطة بداله صار عنا قط وقطة وكلب والقطة زوجناها وجابت 3 ولاد روووووووووووووعةبعنا 2وضل واحد يجنن وهلا القطة كمان حامل ورح تولد بعد كم يوم بالمختصر صار عنا حديقة حيوان
بعرف طولت عليكون بالحكي بتمنى تكونو استمتعتو واذا ما عجبتكون الئصة فاعذروني ولاتواخزوني
__________________
أنا بنت
|