|
عمل علف نباتي بروتيني فخم لجميع الأسماك
أرجو من الاخ انجل تعديل موضوعي ووضع هذي المشاركه بدال الأولى بسبب الخطأ بالصور
السلام عليكم ..
أنا سويت علف على أساس إنه يكون لأسماك الدسكاس عندي .. وإتضح لي بأنه يناسب جميع الأسماك !!!
عموماً اللي يشوفه مناسب يطبقه واللي مايشوفه مناسب لا يطبقه .. واللي حاب ينقص اصناف او يبدل أصناف برضه شي راجع له وهذي إجتهادات مني ومنكم ..
طبعاً الوصفه فيه منها من كتاب أسرار الدسكاس وفيها منها من مجربين!! وفيه منها من عندي انا الشيف أبو ناصر 
نبدء بالمقادير الآن
السبانج 400 قرام
البزيلاء 250 قرام أو 300 قرام
قلب بقر كيلو مفروم فرمه وحده خالي من العروق والشحم والغضروف
ثوم كامل عدد 6 حبات
ربيان 200 قرام + حبار 200 قرام
أكل دسكاس نوعين متوفر عندي حطيت ملعقة طعام لكل صنف من الأصناف المتوفره في الصورة
المفروض طحالب ملعقتين لكن إستبدلتها بكتكات
طبعاً إنتبهو الكتكات هذا لي مهوب لخلطة السمك ههههههههههههه
فيتامين حبوب عدد 2 حبات من الفيتامينات المتعددة ماتيرنا المشهور للنساء والمعروف عن جودته العالية
إلى طريقة التحضير الآن
قمت بغسل القلب المفروم بالماء لإزالة الدم
ثم قمت بعدها بغسله بالماء الحار لثلاث مرات شي بسيط لضمان ذوبان الشحوم وذهاب الدم
ثم قمت بسلق الربيان والحبار لمدة ربع ساعه في الماء بدون أي بهارات ولا ملح طبعاً السمك فيه ضغط وفشل كلوي والأملاح تضره .. وفيه سمك عنده مشاكل بالقولون فما حبيت أحط البهارات ويموت علي
بعد 13 دقيقه بالضبط أضفت البازيلاء والسبانخ والثوم
وبعدها بدقيقتين طلعتهم من الشاخوله ( المنخله ) ونشفت الربيان والحبار والسبانخ والبازيلاء والثوم طبعاً دقيقتين فقط لقتل أي جراثيم وتليين البازيلاء شوي هذي الفكره ..
بعد كذا حطيت الخلطه كامله في الخلاط
وهنا واضح بالصورة بعد ماحطيت الملتي فايتامين واكل أسمك .. وهنا تقدرون تحطون أي اكل ممتاز معاه والجيلاتين المتوفر في أكل السمك كفايه بأنه يخلي العلف المصنع يتماسك!!!
وبعد الخلط الناعم طلع معي زي كذا
حطيته طبعا في ورق ماص للماء عشان أمتص أكبر قدر للماء عشان ينزل معي بالماء ولا يطفح فوق!!
وبعد كذا حطيته في اكياس بلاستيكيه وقمت بفرده ليسهل علي تكسيره للسمك ويذوب أسرع في المويه
طبعاً سويت منه 28 كيسه كلها نفس طول الكتكات اللي مابعد كليته إلى الآن واحد سرقه مني
وبالصحه والعافيه على سمكي وسمككم
|