|
رد: كلبي الجيرمن .. استفسار
السلام عليكم .. الف مبروك لنا بوجودك بالمنتدى و الف مبروك لك بهالكلب الحلو
بالنسبه للاستفسارات ...
شكله مو مهجن  والصور ليتك تزيدها وكلب جميل ماشالله
بالنسبه للعب فالكلاب تحب اللعب خصوصا الجراوه ... ولكن بما انك توك ماخذه فهو
الى الان يخاف منك و يجب ان تكسب ثقته بالمعامله الطيبه والتدريب والاكل والمكافئه .
وقتها انت بتكون له حسبة امه وابوه واخوانه وكلشي وراح يلعب معك لين تطفش
بالنسبه للتدريب نعم اخي يتدرب تدريبات تخص عمره .. يعني ما تكثر عليه .
والتدريبات خفيفه جدا هي عباره عن تعليمه اسمه و تعال واجلس وسلم وكذا . مع تمارين التركيز واللعب بالكره.
يعني باختصار تمارين طاعه خفيفه مع تعديل السلوكيات الخاطئه ان وجدت مثل عض الاشياء
وقضاء الحاجه في المكان المحدد و و ... وطريقتها موجوده بالمواضيع المثبته
يبدا تدريب الطاعه الفعلي عند ٥ - ٦ اشهر ويستمر حتى ٨ اشهر وبعدها تبدا تمارين الطاعه المتقدمه .
عند ١٢ شهر تبدا تمارين الحراسه والهجوم والشغل القاسي .
بالنسبه للاكل انصحك بالاكل المجفف للكلاب الصغيره (بوبيز) لانه يحتوي على كل العناصر اللي يحتاجها .
ولو حبيت تضيف له وجبات منزليه تقدر تعطيه حليب قليل الدسم و بيض و رز مع لحم او دجاج وجبه وحده
باليوم و وجبتين من الدراي فوود .
احرص على التغذيه بهالعمر فهي تكون له اساس قوي بالمستقبل و تابع التطعيمات وبرنامج حبوب دود البطن
عشان ما تخسر كلبك لا سمح الله .
بالنسبه للسعر فهو غير محدد ممكن تبيعه على شخص رغبان فيه ب ١٠٠٠٠ وممكن الزبون يرفض يدفع فيه ٣٠٠
واسعار الكلاب بالسوق غير ثابته ابدا.
اتمنى لك كل التوفيق
|