[no0La]

المشاركة الأصلية كتبت بواسطة ام ليان

اهلا فيكم
طيري عمره سنتين تقريبا

انا طيري له عندي 5 شهور الان ومابدا يصفر الا بعد 3 شهور من وجوده عندي
الحمدلله في البدايه كان تصفيره ثم تصفيرتين ثم بالتدريج لحد ماصار يشكل بالتصفير اشكال والوان
واحيانا يزعجنا

المشكله الان انا اطقطق اذا جلست عنده او اذا مريت عنده ودي انه يطقطق
ولافاااد برضو اكرر عليه اسمه واقول لولو .. وشاطر ... ومافيه تجاوب في النطق
وهو اذا قربت من القفص حقه يخااااااااف جدا ويجعر بصوت عالي سواء انا اوزوجي واذا شاف اللون الاحمر برضو
اما الصغار لما يقربوا منه مايخاف؟؟؟؟
الحين وش رايكم اتركه على ماهو عليه ولا احاول اشيله طبعا بالجونتي لاني مأثق فيه رغم اني لاحظت من فتره لما كنت ابغى اشيله يهرب لاخر القفص لكن مايعضني يعني هو ابغض ماله اني احاول اشيله وش الحل معه لان ودي اروضه اصبر عليه ممكن يتكلم ولا ابد بترويضه
الان لي تقريبا 2 شهرين حابسته وهو ماصفر الا من بعد ماحبسته بالقفص ولاطلعته ابد الاوقت الترويش
يعني حبسه استفدت منه
اممم سافرت من كم يوم وغبت عنه 10 ايام وتركته مع الشغاله
تقولي انه لما غيرت ملاابسي عنده قال عيب وماستوعبت ورجع وقالها ثانيه؟؟ لكن مدرييمكن سمعت صوت ثاني غيره ...؟؟؟
ظنكم انه ممكن يتكلم لانه تعبني
وملاحظه ثانيه دائما اشوفه بالقفص يمصمص اصابعه بأستمرار هل هو طبيعي؟

هلا بك خيتو أم ليان منورهـ ..

طيرك يحتاج انك تجلسين معاه اكثر وتصبرين عليه والتكرار اهم شي
يعني كلمه مافي غيرها باستمرار صباح مساء خليه مثل الدواء 3 او 4 مرات يوميا
وكل مره ربع ساعه اكسبيها تدريب وتلقين بنفس الوقت

بادرهـ طيبه التصفير احسن مايكون ع الصامت
حاولي يكون فتره معزول مايشوف الا انتي وهنا يبدا يتعود عليكٍ
ومايخاف ومايجعر ويحس بالامان من ناحيتك

اول شي لازم تخليه يبطل عض ولها اكثر من طريقه
وبعدين يطلع ع يدك وبدون قفاز لانهم مايحبونه ابد او ااذا خايفه على يدك
جربي عصايتين متساويه في الطول يطلع على وحده وارفعي الثانيه لفوق
وهكذا وكل مره اربطي الفعل بكلمه اطلع اطلع فوق فوق

بعد مايبطل عض ويطلع على يدك امسحي على راسه
والعبي معاه وكلميه كثير لاتنسي الابتسامه

واعتبريه ليان <
لانهم فعلا مثل الاطفال

سبحان الله الشغالات لهم قدره عجيبه ع الطيور ويلقون منهم
مدري للان وش السر

بس أكيد انه سمع الكلمه اكثر من مره وتصير ترا ويلقط الطير
من مرات قليله

حاولي ماتكوني بعيده عن طيرك كثير وراح يتكلم بأإذن الله
ويتكلم لو كان عمره 3 سنوات وبدا يتدرب راح يتعلم

بالنسبه لحركه الاظافر عاديه جدا

موفقه خيتوو