[صمت الأمل]

المشاركة الأصلية كتبت بواسطة بلبل الجزيرة

شكرا لك ياصمت الأمل ماقصرت ......

وانا فعلا ماني ناوي احط الدجاج مع الحمام في قفص واحد بل كل صنف منهم في قفص والجميع في مكان واحد يعني اقفاصهم قريبين من بعض بحكم المكان .........

ما اطلبه الآن هو الأدوات التي احتاجها ........؟؟؟؟؟ فليس لدي خيرة في الأقفاص ونوعايتها ....

وماهي النوعية التي اشتريها من الحمام ........؟؟؟؟

وهل تربية الدجاج لبيع البيض أم لانتاج الصوص وبيعه أم لتربية الصوص وبيعه عند بلوغه .... أيهما افيد لي ...؟؟؟؟

وشكرا لكم

العفو .. أنا حسبتكـ راح تجمع النوعين سوا وهذا خطر جدا على الحمام . تمام طريقتكـ في الفصل بينهم .



أنت ناوي تربي هالطيور لغرض التجارهـ أو الزينهـ ؟؟ او إثنينهم ؟؟



لأن مادامكـ مبتدئ الأفضل جدا تاخذ لكـ الأنواع البلديهـ الموجودهـ بالسوق من حمام ودجاج ..



لأن البلدي من مميزاتها : رخص سعرها + مناعتها القويهـ + إنتاجها الجيد جدا .



وراح تلاحظ رخص أسعارهم عن الأنواع المميزة الى أن يكون عندكـ الخبرهـ الكافيهـ في سلوكها وأمراضها وطبيعتها , ثم تمشي في النوع اللي بعدهـ أفضل وأجمل وأغلى من البلدي .



الدجاج راح يحتاج :



القفص الوسيع + التربهـ والصخور والحشائش اذا أمكن + صندوقين أو ثلاث في زوايا القفص + جيكـ ماء + أكل منوع وصحي عشان ينتجون لكـ أفضل + ديكـ واحد لكل 3 او 4 دجاجات , واذا المساحة تساعدكـ تزيد الدجاج ممكن تزيد + مكان عالي في القفص عشان ينامون فيهـ .



لأن الدجاج يرتاح في النوم بغريزتها في الأماكن المرتفعهـ بعيد عن المفترسين , لكن ممكن ينامون في الأرض وشوف ايش الدجاج راح يسوي عندكـ .



لأن أذكر دجاجاتي ماينامون الليل ويجلسون يدورون في الأرض ومايرتاحون في النوم من الخوف اذا ماناموا في مكان عالي . وإنتاجهم يضعف ونفسيتهم تصير زفت .



واذا نفسيتهم صارت زفت معناهـ راح يوقف عن إنتاج البيض .



ممكن تضيف لهم غصن كبير ومثبت جيدا في أعلى القفص ,, أو اذا عندكـ مهارة في التصميم تضيف لهم رف في جانب القفص .



وبخصوص البيض والإنتاج وأيهم أفيد لكـ في المكسب .. عيب الدجاج هو تأخرة في تحضين البيض .



وماعندهـ فترة واضحهـ للرقاد , فاذا تبي تنتج من الدجاج فالأفضل تكون فقاستكـ جاهزة أسرع جدا لكـ .



ثم تبيعها بعمر أسبوعين الى ثلاثهـ بعد ماتعدي مرحلة الخطر في الأسبوع الأول وتكسب منها .



لأن صيصان الدجاج البلديهـ مطلوبهـ في السوق وسعرها أفضل من الصيصان الملونهـ .



وهذا كلهـ بخصوص الدجاج .. وراح أتكلم لكـ عن تربية الحمام في رد آخر عشان مايصير فيهـ لخبطهـ .



وأتمنى يكون شرحي واضح , واذا فيهـ نقطة غير واضحة أتمنى تبلغني وأوضحهـ بطريقة أفضل .



والأعضاء أيضا ماراح يقصرون في إعطائكـ النصائح .