هذه تجربتي مع ببغائي noor
شريت الببغاء لأنه أرخص واحد لقيته ( لعدم خبرتي ما بغيت أشتري شي غالي )
والحمد لله صليت صلاة الأستخارة ورحت
لاكن تفأجأت أن الببغاء أصلع و ذيله منتف وجناحه مقصوص بطريقه غريبه ومتوحش مرة
المهم أنا قلت صليت صلاة الأستخارة وما بتراجع
أول ما أخذت الببغاء حسيت أني شويه ندمت لأني أشوف ببغاوات الأعضاء رهيبه وحقي ولا شي
وكنت مستعجل مره وأكتب وأكتب في المنتدى وكانو يقولون أصبر لحتى أقتنعت أن الصبر مفتاح الفرج
و لازم يكون عندك هدف ليتحقق وكان هدفي أن يكون ببغائي مثل ببغاوات الاعضاء في الشكل
والحمد لله بعد صبر ومثابرة طلع ريش راسه وذيله طلع من جديد وصار شكله مرتب وبعدين صرت أشوف الببغاوات الأمازونية
وحركاتها وجمالها فصرت أحاول أعلم ببغائي حركات الأمزوني وبعد صبر بدأ يتعلم بعضها مثل تقول له هات هذا ويجيبه وتعلم قلب نفسه راس على عقب
والأهم كانت أمنيتي يصير ببغائي مثل الببغاء alex وبديت يمكن من أسبوعين
والحمد لله ببغائي تعلم بعض حركات alex مثل أن تسأله عن أسمه أو تقول له قلد صوت العصافير
وتعلم أشياء كثيرة والله ما توقعت ببغائي المسكين يوم بيسويها
مثل :
1- تقول له تعال ويجيك جري
2- تعلم إنه إذا كان في مكان عالي وتورط أجيب له وساده ويقفز علي
3- ينزل راسه لو قلت له راسك
4- إذا تجمعو عليه الأطفال يجعر عليهم جعره قصيره لاكن ما يجعر على الكبار
5- أقول له أخرج من القفص ويخرج على طول
6- بوسه
7- إذا كان طالع على كتفي أحط يدي الثانية عند كتفي وما عاد يطلع حتى لو نزلت يدي
8- أقول له سلام عليكم فيرفع رجله اليمين ويمسك اصبعك ( أبداً ما يرفع رجله اليسار )
فإذا كنت تبغا ببغائك مثل alex :
ما عليك إلى شيين:
الأول: تحديد الهدف
الثاني: الصبر
وأهم شي لا تقول ببغائي غبي أو ما يقدر أنا توقعت ببغائي كذا وبعدين أثبت لي العكس بجدارة
وحاول أن تعليمك يكون يومي وإذا ما قدرت أو تعبان لا تضغط على نفسك أجل ليوم ويومين فإذا كنت معصب ورحت تدرب ببغائك رح تتعبه وتحس بعد أنه غبي فلا تضغط على نفسك
و قريباً إن شاء الله فيديو لــ noor
أتمنى أني أفدتكم
& ولكم خالص شكري وتقديري &