[عبدالعزيز1]

الامزوني معروف عنه يقول جمل طويله ويسردها سرد ورا بعض بدون توقف
لعوب
لكن مزعج .. يعني اللي ساكن في شقه بيكون الازعاج دبل

والوانه حلوه واسعاره عاليه مقارنه بالكاسكو


الكاسكو لون موحد رمادي

يقلد نبرة صوت راعيه او خل نقول نبرة صوت الشخص

حذر لكل ماهو جديد عليه

بالنسبه لي طريقته بالكلام او نبرة صوته تشدني اكثر من الامزوني

هادئ مقارنه بالامزوني

ولو ربي وفقك بكاسو ذكي وذاكرته 32 قيقا عز الله بيبسطك

كان عندي واحد عام 1413هـ يقول اي كلمه يسمعها

لدرجة كنت اقول ابيات شعر ويرددها مع العلم انه اول مره يسمعها لكن عيبه الوحيد مزاااااااااااااااجي
وغدار وهذا اللي خلاني ابيعه

ابتعد عن الهولنديات فحسب ماسمعت وماذُكر لي أنها ضعيفة المناعه وقليل تلقى منها وصل سنه او سنه وزياده وكل شي بأمر الله اولا واخيرا

الكوكاتو شكله روعه وجميل لكن مزعج وقليل الكلام وحتى لو تكلم كأنه لعبه صينيه درجه رابعه


الدرّه حلو لونها خاصة الذكر اذا جاك هندي بطوق وماتتكلم الا بكلمه او ثنتين ومش بجودة الامزوني ولا الكاسكو طبعا



بالنسبه للولافه كلهم يجون اليفات ويحبون اللي يحبهم ويعاملهم بلطف ويهتم فيهم