[أنوار محمد]

السلام عليكم ورحمة الله وبركاته

كلامك طيب ونابع من محبتك للأفريقي ،

انا فعلا أستفدت من منتدى تو زو كثير ، نقرا ونطالع أفلام ،
بس التجربة بعد حلوة ، والممارسه غير ،،، والتربيه متعة ، للي يحب الطيور والحيوانات ،،
يعني اذا ماخضت التجربه ، كيف تتعلم ، يعني التطبيق ،
انا جديده في تربية الببغاء ، لكن الحمد لله مرتاحه وطيري مرتاح معاي ومني ، ومع انه ماأخذ اسبوع ، لكنه متجاوب ، انا أقول ساعات الطير يجد فرصة أفضل من المربي الجديد ،،، وانا ماراح أمدح نفسي أو أزكيها ، ويمكن في ناس أفضل مني ،
لكن راح أعطيك مثال ، في ناس تغتني الببغاء الافريقي وتربيه للأنتاج والربح ،يعني تجارة ، وناس تغتنيه تقد له العنايه ، انا اشتريت طير ،مايطير والي باعه لي قال لي انه مايطير ، فكرت انه جناحه مكسور ، بس قلت له ماعليه انا باخذه وباعالجه ، وقلت له البيطري عندنا مجاني ليه ماوديته ، ايش قال انا شريته كذا ، يعني حصل سعر فيه أكثر ومري وباعه لي ، على طول يومالثاني وديته العياده ، والله الدكتور قال لي ليه اشتريته وفيه مشكله انتي انغشيتي ، قلت لا والله ادري خبرني الرجال الي باعه ، لكن اخذت فيه وجه الله ، المهم كتبه له مضاد وفيتامينات ، وكان فيه التهاب بجناحه ومتورم جناحه ، ولايحرك جناحه ، الحين الحمد لله خف ،ويتجاوب مع العلاج ، وطبعا الافريقي ،معاه أصدقاء مثله واحنا مانحط الطير في قفص ، الا وقت نومه ،اغلب الوقت معانا في غرفة الجلوس
حبيت أوضح لاأكثر ، والكل له رايه ، وانا أحترم كلامك ، ورايك / ومشكور