[kfsh]

يالجديده ...... الله مير يسلمك ويطول عمرك بطاعته .. قولي آمين

إحنا يا المحترفين ما اتقنا هاذي ألشغله بين يوم وليله تعبا وسهرنا الليالي بعز الحر وتحت والمطر ويا ما أكلنا على رؤوسنا ...... لا لا .. تراني امزح لا تأخذين كلامي على محمل الجد مثل ما يقولون بالمسلسلات المكسيكية

أنا والعياذ بالله من كلمة أنا اصغر واحد من هالموجودين بالمنتدى العملاق ولكن تقدرين تقولين (الصبر) بمعنى أخر طوووووووولي بالك كثيييييييييير وشوي شوي راح تتعلمين.

أهم شي انك بالبداية تستخدمين قفازات جبره كالمستخدمة بالمطبخ مثلا ويكون مبطن من الجهتين عادةً حتى يحمي اليد من حرارة الفرن.. نرجع للموضوع

انتبهي لازم تكونين بغرفه مسدولة الستائر علشان ما يخبط بالشباك (النافذة) وينشلخ رأسه..

وتحاولين تمسكينه وهو بالقفص .. واهم شي تكونين واثقة من نفسك يعني راح يصرخ وراح يعضك وأنتي ولا يهمك.. (بس هاه مو تضغطين عليه وتفغصينه وبعدين تجين تقولين لي أنت السبب أنت السبب ترى ما لي شغل)

عدنا .. وأنتي مستمرة يتمسيجه مره على رأسه من الهامة إلى الذيل وحاولي انك تلمسين المنقار بهدوء اكرر بهدوء لمدة خمس إلى عشر دقائق وبعدها ترجعينه للقفص ومن بكره نفس ألطريقه ومع الوقت راح يألف عليك.والله يوفقك وتتمتعين به.

فيه شغله واحده لازم تكونين هادئة وتتكلمين معه يعني سوووووولفي عليه غثيه بالسوالف رحت للسوق وشريت ذيك ألقطعه إلي تهبل وبعدين وديتها الخياطة الله يستر لا تخربها بس هاه انتبهي مو تخلين الخياطة تخرب لك فستانك مثل ما صار مع جارتنا أم خماس .... ههه ههه متأثر بالمسلسل الكرتوني الفريج.

تحياتي