[RaYaN-141]

المشاركة الأصلية كتبت بواسطة مهووس الحيوانات

و عليكم السلام و رحمة الله و بركاته

فعلاً الله يغنيك بس ان شالله أفيدك خاصة ان هذا تخصصي

=-=

1- كم مره لازم تاكل باليوم وقد ايش يحتاج لها

حسب الحرباء لو كبيرة تقريبًا 3-5 حشرات كل ثلاث أيام
ولو صغيرة 7-10 حشرات تقريبًا كل ثلاث أيام

و الحرباء نهمة يعني لو عندك أكل كثير تقدر تعطيها زي ماتبغى

2-كم مره لازم تشرب موية وقد ايش يحتاج لها

لازم يوميًا تشرب ، قطرلها لمدة 5 دقايق تقريبًا وهي بتشرب
وممكن انت تلاحظ انها ارتوت اذا بطلت تشرب مررة

- بما اني عايش في جدة الرطوبة عندنا عالية جدا والحر بزيادة فـ هل يحتاج لها القفص الخاص مع العلم اني بحطها في الغرفة ( ما عجبتني فكرة القفص ) لاني ابا اتعامل معاها مباشرة مو اتفرج عليها زي الأسماك

لا تقارن جوكم بجو اليمن لأن المناطق الي تعيش فيها الحرباء اليمنية جبلية و جوها حلو

الرطوبة مو مشكلة المشكلة هي الحر ، عشان كذا لازم يكون قفص الحرباء داخل البيت لأنه مكيف

و بالنسبة للقفص أو الحوض الخاص مو لازم بالعكس لو سويت انت واحد احسن

و عادي لو اخذت قفص طيور بس يكون كبير ، لأنه لازم الحرباء تتمشى فيه وتتسلق بحرية

و تقدر تخليها في البيت لو ماعندك حيوانات غيرها أو أطفال أو شي خطير تتمشى عشان تتعود عليك وتشيلها أغلب الوقت ، ولما يجي المغرب ترجعها للقفص عشان تنام ، بس لازم المغرب لأنه موعد نومها يعني لا تخليها تسهر لبعد المغرب

وانا كنت افكر انه وقت ما تكون الشمس قوية اخليها في الظل ووقت ما تكون الشمس باردة اعرضها للشمس

تمام

4- ان كان لازم قفص بكم سعره ؟ ان كان الحجم متوسط ( سعر تقريبي )

لو بتشتري الحوض المخصص هو غالي بس مثل ماقلتلك مو لازم

5-كم سعرها بالسعودية ( مع العلم انا ابغاها صغيرة يعني اكثر شي 4 شهور )

ما أنصحك بصغيرة لأنها تحتاج عناية ، أنصحك بحجم وسط

سعرها من 200 تقريبًا إلى 450 و في حالات قليلة يقل عن 200

6-في حال اني اشتريتها هل يعطيني المحل اوراق رسمية يعني لو كان مكتوب لي اني اكمل دراستي بره هل اقدر اسفرها معاي ؟ ولا ننسى انه التفتيش باوروبا وغيرها تفتيش مشدد يعني ما اقدر احطها بالشنطة ولا بيودوني ورا الشمس

لا مايعطيك ، وما أتوقع انك تقدر تاخذها من بيطري لأنه ماعندنا بياطرة زواحف

7- هل يكون منها امراض ضارة وغيرها ؟

الزواحف بشكل عام ماتنشر الا جرثومة السالمونيلا ، و تجيك اذا لمست فضلاتها -أكرمك الله- و أحيانًا ممكن تجيك لو عضك عضة قوية

بس انت بعد اي اتصال بالحيوان اغسل ايديك بالموية والصابون ولا تفكر تبوسه

8- لو مثلا بنام في الغرفة عادي اشغل المكيف وانام ولا اخليها في غرفة مهي مكيفة ؟

لاعادي بس حاول مايكون الجو عندها بررد

9- آسف على الإطالة وان اشتريته ( ان شاء الله ) بتكون اول مره اربي فيها حيوان فـ هل في شيء لازم اعرفة عن تربيتها ؟

لا تتأسف

أكيد فيه أشياء كثيرة ضرورية لكن تحتاج رد طويل ، و الحرباء مو مناسبة للمبتدئين في الزواحف أبدًا فكيف في الحيوانات كلها

عطني ايميلك عالخاص لو ماعندك مشكلة ، و لو احتجت أي مساعدة كلمني عليه

اول شيء احب اقلك جزاك الله خير وثانيا اشكرك على مساعدتك لي

وحاولت ارسل رسالة خاصة ولكن يقول لازم 50 مشاركة :S

فـ انا بحط ايميلي هنا لانها ما بتفرق معاي وان كان ضد قوانين المنتدى فـ خذ الايميل وعدل الرد ولا احذفة ولا سوي الي تسوية rayan-141@hotmail.com

وعلى فكرة

في جدة في مكانين محترمين جدآ للحيوانات الأول فيفا في شارع التحلية وهذا الأفضل ما فيه الا ايجوانا وصغيييييييرة سألت عن سعرها قال 840 ريال

ومحل ثاني اسمه واحة الحيوان رحت فرعين له ولكن برضه في ايجوانا ومافي حرابي

سألت العامل هناك قال مافي سألته ليش قال صعبة في دا الوقت