[ابوخـالد]

السلام عليكم

كيف حالكم ؟

يمكن بعض الاعضاء قرا موضوعي

(( اشعلتوا حماسي وهيجتوا ذكرياتي ))

بنهاية الموضوع ذكرت إني شريت كاسكو .... طبعاً سألته كم عمر الطير وقال سنه ونص

الطير ماشاء الله عليه تبارك الرحمن اليف فعلاً ويطلع اليد ويتكلم الله يحفظه من العين

أمس وديته ******** ...

دكتور من واقع كلامه وتعامله مع الطير ومسكته .. واضح إنه شاطر وفاهم الله يوفقه

طبعاً قصيت اظافره والريش ومنقاره لأني طلبت منه بحكم طوله

وسألته كم عمره يادكتور ؟!

طل بعينه وقال :

5 سنوات

اثاريك شايب يالورانس

الله يحفظك


هنا جاني تساؤل بيني وبين نفسي ... هل العمر له دخل بالقدره على حفظ الكلمات الجديده ؟؟




وبنهاية الفحص والقص والتشذيب ..... طبعا لورانس بدون عض وعاقل اللهم جعر مرتين وهذي أول مره اسمعه يجعر
حط يده الدكتور وطلع عليها ونزّله القفص

فالدكتور انبسط وقال طيرك أليف ماشاء الله عليه

لكن مسألة العمر قاعده تدور في بالي

ومريت محل وانا بطريق رجعتي للبيت شريت قفص أكبر لأني دخت أدور ستاند ومالقيت

وسألت اللي بالمحل كم عمر الطير
طل في عينه وقال سنه ونص // سنه وثمان شهور

الاسم : لورانس آل كاسكو

العمر : لاأعلم

المهنه : توسيع صدر اهل البيت ومصاحبة من يصاحبه وترديد الكلمات والتصفير

الحاله : أعزب

الشهادات الدراسيه : ثاني ابتدائي ( ليلي )

الأكلات المفضله : الفول السوادني + الخس

قوانين منتديات تو زوو تمنع ذكر الأسماء التجارية في المشاركات

الرجاء التقيد بذلك مستقبلاً

حب استطلاع