|
سنجب بن سناجب المسنجب (السنجاب الفارسي )
اخواتي واخواني الاعزاء 000
شجعتوني والله اني احط صور سنجب هذا الكائن العجيب وللعلم انا من عشرين سنة بربي حيوانات وطيور واسماك زينة لكن ما احببت كائن زي سنجب وعلى قد ازعاجه ودوشته على قد حبي ليه واستمتاعي بيه
وانهاردة حبيت احكي ليكم عن يوم عادي في حياته
يومه بيبدا الساعه 4 - 5 صباحا ومن ساعتها يقوم يعملنا خبلان واحلى حاجه احب اشوفه يعملها اول مايطلع من العش يروح يتشطف ويغسل وشه بايده
وبعدين يقوم بجوله استكشافية سريعه في القفص او الملعب وبعد كده يدخل على الفطار وسبحان الله مكنه في تقشير اللب
فطار السيد سنجب بيتكون من اللب السوري والسوداني وبعد كده يروح يشرب من المياه وبكون حاطط فيها فيتامين اسمه ا د 3 ه عشان يحافظ على الفرو بتاعه ويديه الحيويه
وبعد كده يبداء اللعب والمهرجان لحد الساعه 10 - 11 ويدخل العش وينام لحد العصر
وبعد العصر يقوم صاحبنا عشان يتغدي طبعا حقه لاقي اكل ولاقي دلع وميتدلعش وغدا السيد سنجب عباره عن قطعه من الفاكه زي التفاح او البلح وعلى فكرة هوا بيعشق البلح الاحمر جدا
او الكمتري
وبعد كده اسيبه ساعه في البيت وطبعا بكون وراه في كل حته لان الاخ سنانه بتاكله ولازم بس يشوف خشب وتلاقي المنشار اشتغل ازززززززز والاقي كله تمام وراح الخشب
اهم حاجه بالنسبه لسنجب انه يحس ان بيته موجود وده بيحسسه بالامان ونصيحتي لاخواني الي عندهم سنجاب يحط في القفص عش من اعشاش الكروان او طيور الحب وراح تلاقي سنجابك مبسوط
وبعد اللعب بيتفضل السيد سنجب مشكور الا انه يدخل العش ويخلد في نوم
وبالليل يقوم سعادته يتعشيى في الخباثه درة ولب سوري
اما بقي عن يوم الاستحمام فده بيكون يوم
لازم السلسله وامسكه واجيب فرشة اسنان مخصصه ليه واغسله جسمه بالشامبو المخصص مع فرشة الاسنان عشان الريحة وعشان اي حشرات
وكمان القفص لازم يكون فيه طبق فيه رمل عشان من وقت للتاني ياخد حمام رمل
المشكله الي بواجهها مع سنجب اني زوجته اتوفت من اربع شهور وبدور له على زوجة وكنت حخطبله سنجابة لويس بس لويس الله يهديه طالب مهر غالي اوي وقلتله حنعمل الفرح في شيراتون الغابة ونخلى العروسين يقضوا شهر العسل على شجرة راس السنة
وعشان اجيبله انثى لازم تكون من ايران وايران عملت عليه حظر وسجلته من الانواع المهدده بالانقراض منه لله الدكتور الي وديتها عنده قعد يجرب في المسكينه لما طهقت
ياجماعة الخير كلموا لويس عشان يرضي وزي ماشفتو سنجب عنده قفص اوديتن وصالة وبمنافعهم
__________________
|