سلام عليكم ورحمه الله وبركاته
يسعدلي مساكم جميعا
والله يا جماعه الخير كنت بالسوق مع الاهل ناخذ اغراض ونتقضى اشياء للبيت فجأه تذكرت ان الحب حق الطيور على وشك الانتهاء
قلت خلني اروح اشتري حب وارجع للأهل
المهم نزلت اشتري حب من المحل الي اتعامل معاه
فـ بسأله وش عندك طيور جديده بشكل عادي وما افكر اشتري فجأه اسمع واحد يجعر بصووووت عااااااالي
قربت منه لقيته مره متضايق الببغاء وكأن احد مزعله وكلنا نعرف تعامل الهنود مع الطيور
طبعا الببغاء شدني بطريقه غير معقوله ولون وطفره الريش الي فيه خلتني استنر عنده << تعلق فيه
المهم تفاصلت معاه على السعر والببغاء غير اليف ويجعر ولكن حجم ووقفه ولون غير شكل يسمى جبلي وعمر ولا احلى
طبعا حتى حالتي الماديه كانت لكم عليها ذاك اليوم ولكن مسكت معاي اشتريه ولو اني ابيع السياره << قويه !! امزح
المهم اشتريته واشتريت له قفص جديد لان القفص الي جاء فيه ما يجلس فيه ولا سنجاب حتى خخخخخخخ
وقلت هذا راح يتدرب ويتزبط ويصير ولا احلى وبدايه مشوار جديد مع
" أشـقـر "
اخليكم مع صور ببغائي الجديد " أشـقـر "
بسم الله ماشاء الله تبارك الله اذكروا الله يا اخوان
لون العين بأخر مراحل الرمادي وداخله على بياض اتوقع العمر 11 شهر صح ؟
وشرايكم بالطير بأمانه
محبكم الدائم واخوكم
محمد