[صمت الأمل]

أهلا وسهلا فيكـ في قسم الدواجن ياراكان ..



إن شاء اللهـ نقدر نفيدكـ باللي نقدر عليهـ .



شوف أول شيء كم مساحة الحوش عندكم ؟؟ وهل فيهـ تراب ؟؟



وهل ناوي تتركهم يرعون في الحوش كذا ؟؟ ولا في قفص كبير ؟؟



صحيح انها أسألهـ كثيرة شوي بس لأن الدجاج والحيوانات والطيور تربيتها مسؤليهـ كبيرة ولازم تعرف عنها كل شيء قبل ما تشتري نوع ثم ماتعرف تتصرف فيهـ .



الدجاج تقريبا يعيش من 10 لـ 15 سنهـ ,, والأعمار بيد اللهـ طبعا .



طيب شوف,, بالنسبهـ للنظافة أشد الطيور الداجنهـ توصيخ هو البط , وأقلها هو السمان .



والدجاج وسط .. بس لو تهمل المكان أكيد راح يكون مقرف .. مرة بالأسبوع تنظيف يكفي ان شاء اللهـ .



الأكل ماعندكـ مشكله فيهـ .. بقايا غداكم أو خضار من الثلاجة من فترة شريوها , بدل ماتكبوها في الزباله عطوها الدجاج .. بيفرحون بها .



خبز يابس وكسر الخبز لهم صغار . وممكن تعطيهم شوي بصل عشان المناعة .


بالنسبهـ للنوع أحسن شيء بما أنك مبتدئ خذ لكـ بلدي .. لأنه قوي ويتحمل .



وخذ معكـ أحد خبرة في شراء الدجاج من السوق عشان ماتنغش فيهـ .. ممكن يعطيكـ مريض أو كبير في السن وتتورط .



واذا ما أعجبتكـ شغلة الدجاج والحوسه ويزعلون أهلك من هالطيور .. أقترح عليكـ بدائل ثانيهـ مثل :



السمكـ _ السلاحف _ القطط (( بعد تدريبها )) _ الطيور الصغيرة الحجم مثل الزيبرا والبادجي _ الهامستر .



هاذي الحيوانات الصغيرة واللي تقدر تسيطر عليها , وحبيت بس أذكركـ بهالخيارات ممكن تكون ماعرفت عنها أو مافكرت بها .



واللهـ يوفقكـ في مشروع تربيتكـ للحيوانات مهما كان النوع اللي تختارة .



تحياتي لكـ .